Dyzajnierka patłumačyła, čamu biełaruskija brendy šyjuć mała adzieńnia plus-sajz
«Nu dzie vy bačyli ŭ Zara šyrokuju raźmiernuju liniejku?»
Dyzajnierka biełaruskaha brendu Ezhevika Volha Dejka raskazała «Smartpres», što hod tamu brend pačaŭ adšyvać chadavyja madeli da 52 pamieru. Praŭda, u mienšych abjomach, čym eski-emki. Ale plus-sajz — balučaja tema.
«Karpulentnyja dziaŭčaty, jak praviła, nie ŭpeŭnienyja ŭ sabie. I kali takaja dziaŭčyna prymiaraje ŭ kramie reč, jana sabie nie padabajecca: na malunku ž reč była na chudoj madeli. Usie na hetych chudych madelaŭ hladziać i chočuć vyhladać hetak ža. Tamu plus-sajz drenna pradajecca, a heta — nievysoki abarot, tavarnyja reštki.
A zarobak płacić treba, za arendu — treba. Brend ža — heta ŭ pieršuju čarhu matematyka», — tłumačyć dyzajnierka.
Akramia taho, na vialiki pamier ciažka pasadzić vyrab.
«Fihury 42-44 pamieru prykładna adnolkavyja. Pačynajučy z 48-ha, u kahości bolš jahadzicy, u kahości — žyvot, u kahości — plečy. Adnu sukienku nie pasadzić na ŭsie typy fihur, i ŭ ideale dla plus-sajz treba rabić vialikuju asartymientnuju matrycu. Kamiercyjna heta dzika niavyhadna. Čamu ciapier tak šmat aviersajzu? Nie treba zatłumlacca z pasadkaj!»
Volha pryznajecca, što ich rečy vialikich pamieraŭ — heta prykładna 20% ad prodažaŭ usich rečaŭ brendu. I ličyć, što ŭ cełym heta nie zanadta pierśpiektyŭnaja historyja.
«Jość dva suśvietnyja brendy, jakija dyktujuć praviły ŭ fešn: Zara i H&M — i luks jašče. Nu dzie vy bačyli ŭ Zara šyrokuju raźmiernuju liniejku? I vy ž viedajecie, što adbyłosia z Victoria's Secret paśla ekśpierymientaŭ ź inkluziŭnaściu i plus-sajz… Na žal, tak uładkavany śviet».
-
Hrodzienka addała za naroščanyja vałasy amal piać tysiač rubloŭ — za što takija hrošy?
-
«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
-
Vyjšła kniha pra asabistyja zvyčki Makrona, u jakoj nazvali jaho lubimy vodar. Vytvorca vodaru nie vielmi radujecca navinie
Kamientary