Pra toje, što jahonaja praciahłaja epapieja z atrymańniem statusa ŭciekača skončyłasia, paviedamiŭ u telehram-kanale sam Alaksandr Kłačko «Kuś».
«Byccam GPS-branzalet z nahi źniaŭ, jaki abmiažoŭvaŭ maju svabodu pieramiaščeńnia pa-za miežy Litvy i peŭnyja mahčymaści ŭ Litvie», — akreśliŭ svaje adčuvańni Alaksandr Kłačko.
U Departamiencie mihracyi jamu paviedamili pra stanoŭčaje rašeńnie pa jahonym pytańni i prapanavali praz dva tydni zapisacca na atrymańnie adpaviednaj płastykavaj kartki razam ź biełaruskim pašpartam.
Pytańnie Alaksandra Kłačko razhladałasia ŭ Departamiencie mihracyi amal hod.
«Siońnia z čystym sercam, na litoŭskaj movie, pavinšavaŭ asobnych hramadzian Litvy z Dniom abaroncaŭ svabody Litoŭskaj Respubliki.
Viedaju, što z tymi ź litoŭcaŭ, chto šanuje datu 13.01.1991, maje intaresy supadajuć jak minimum u adnym ahulnym u nas ź imi i z Ukrainaj nakirunku», — prakamientavaŭ toje, što adbyłosia, Kłačko.
Za miesiac da hetaha, 8 śniežnia minułaha hoda, Alaksandr Kłačko zładziŭ pikiet pad voknami budynka Departamienta mihracyi ŭ Vilni. U rukach kalinoviec trymaŭ płakat sa ściahami i nadpisam u jakim źviartaŭ uvahu, što jon vorah biełaruskaha i rasijskaha režymaŭ, ale nie viedaje, chto jon dla Litvy, i 11 miesiacaŭ čakaje adkaz na hetaje pytańnie. Hetaj akcyjaj jon prasiŭ litoŭskija ŭłady paskoryć razhlad jahonaj spravy i pryniać narešcie choć stanoŭčaje, choć admoŭnaje rašeńnie, vyzvaliŭšy jaho ad padviešanaha stanu.
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary