Pryciahnieńnie mihrantaŭ dla pracy ŭ Biełarusi najbolš łabiruje Minsielhascharč
Za aktyŭnaje pryciahnieńnie ŭ Biełaruś pracoŭnych mihrantaŭ ź inšych krain, pra što niadaŭna niekalki razoŭ havaryŭ Łukašenka, vielmi aktyŭna vystupaje Ministerstva sielskaj haspadarki i charčavańnia, jakoje choča takim čynam zakryvać niedachop pracoŭnaj siły ŭ sielhasarhanizacyjach. Heta vynikaje ź niekalkich listoŭ čynoŭnikaŭ, jakija atrymała vydańnie «Lusterka» pry dapamozie Belpol.
U listapadzie 2024 hoda čynoŭniki ź Minsielhascharča prasili MZS i MUS patłumačyć, ź jakich krain lepš za ŭsio pryciahvać rabotnikaŭ i jak ich pracaŭładkoŭvać. U adkazach viedamstvaŭ zhadvajucca Armienija, Kazachstan, Rasija, Tadžykistan, Turkmienistan, Uźbiekistan, Azierbajdžan, Kyrhyzstan, Ukraina.
Akramia taho, Belpol zdabyŭ list ad ministerstva ŭ kamitety pa sielskaj haspadarcy i charčavańni abłvykankamaŭ. U im kiraŭnictva prosić pradstaŭnikoŭ na miescach arhanizavać «adpaviednuju pracu». U dakumiencie taksama paviedamlajuć, što ministerstva razam «z zacikaŭlenymi» ŭžo «prapracavała pytańnie» ab tym, jak pryciahvać mihrantaŭ u Biełaruś.
MZS, u svaju čarhu, padrychtavała dla Minsielhascharča instrukcyju, dzie i jak šukać rabotnikaŭ, robiačy ŭpor na vosiem krain: Armienija, Kazachstan, Rasija, Tadžykistan, Turkmienistan, Uźbiekistan, Azierbajdžan, Kyrhyzstan.
Miarkujučy z tekstu lista, čynoŭniki miarkujuć, što ciažej za ŭsio pryciahnuć ludziej budzie z Rasii, bo «ciapier tam kadravy deficyt u sielskaj haspadarcy», a taksama z Turkmienistana. Tam, «niahledziačy na ŭnutranyja ekanamičnyja składanaści, maštabny valutny kryzis, vysokaje biespracoŭje», jość niamała faktaraŭ, jakija strymlivajuć emihracyju. Naprykład, «šmatlikija publičnyja i sakretnyja» abmiežavańni na vyjezd hramadzian z krainy, biurakratyja. Taksama tam praktyčna adsutničajuć ahienctvy, jakija dapamahajuć lehalna pracaŭładkavacca za miažoj.
«Akramia taho, turkmienskija ŚMI padkantrolnyja dziaržavie i aśviatlajuć tolki «nieabchodny» paradak dnia. Usia infarmacyja, jakaja raźmiaščajecca, u tym liku i rekłamnaha charaktaru, prachodzić strohuju cenzuru i ŭzhadnieńnie, — dakładvaje MZS u liście Minsielhascharču. — Bolšaść ža zamiežnych internet-resursaŭ (uklučajučy infarmacyjnyja sajty, sacyjalnyja sietki i miesiendžary) zastajucca zabłakavanymi».
Vosieńniu minułaha hoda Ministerstva ŭnutranych spraŭ paviedamlała, što inšaziemcaŭ, achvočych pracavać u Biełarusi, robicca ŭsio bolš. Tak, pa danych na toj momant, z pačatku 2024-ha ŭ našu krainu pryjechała bolš za 21,5 tysiačy inšaziemcaŭ, u asnoŭnym hramadzianie Turkmienistana, Rasii, Kitaja, Uźbiekistana i Ukrainy.
U Biełaruś pryjechała ŭ dva razy bolš pracoŭnych mihrantaŭ, čym letaś. Jakaja kraina ŭ lidarach?
Pracoŭnyja mihranty prablemy ekanomiki Biełarusi nie vyrašać, i Łukašenka pačaŭ heta razumieć. Mierkavańnie Čałaha
Łukašenka pabłažliva vykazaŭsia pra mihrantaŭ z Uschodu. Prapahandysty adrazu pracytavali, a paśla schamianulisia
«My nikoha ad mihrantaŭ abaraniać nie budziem». Łukašenka prahnazuje novy kryzis na zachodnich miežach
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary