Cichanoŭskaja: Heta nijakija nie vybary, a chutčej «śpiecyjalnaja vybarčaja apieracyja»
Z nahody «vybaraŭ» 26 studzienia, jakija prachodziać va ŭmovach represij, Śviatłana Cichanoŭskaja vystupiła z zajavaj.
«Toje, što adbyvajecca siońnia ŭ Biełarusi — fars i imitacyja. Heta nijakija nie vybary, a chutčej «śpiecyjalnaja vybarčaja apieracyja» pa niezakonnym utrymańni ŭłady Łukašenkam», — zajaviła Śviatłana Cichanoŭskaja.
Jana adznačyła, što Jeŭrapiejski Sajuz, Złučanyja Štaty, i 37 krainaŭ ABSIE nie pryznali ciapierašnija «vybary». Zajavy ab niepryznańni byli zroblenyja jašče da dnia hałasavańnia.
«Biełarusy nikoli nie prymuć Łukašenku. Jon złačynca, jaki zachapiŭ uładu, i pry dapamozie Pucina ŭtrymlivaje 9 miljonaŭ biełarusaŭ u zakładnikach. Tysiačy znachodziacca ŭ turmach za svaju palityčnuju i hramadskuju pazicyju.
Jon uciahnuŭ Biełaruś u vajnu, zdaje našu krainu Rasii, staŭ pahrozaj našym susiedziam. Jon nie pradstaŭlaje biełaruski narod», — adznačyła demakratyčnaja lidarka.
Jana paŭtaryła, što režym pavinien spynić represii i vyzvalić palitviaźniaŭ.
«Vinavatyja ŭ złačynstvach musiać być pakaranyja. Usie, chto vymušana vyjechaŭ, pavinny mieć mahčymaść viarnucca damoŭ. My vystupajem za nacyjanalny dyjałoh, ale jaki dyjałoh mahčymy va ŭmovach teroru?»
Śviatłana Cichanoŭskaja dadała, što jany z paplečnikami praciahnuć pradstaŭlać intaresy biełarusaŭ i adstojvać dziaržaŭnaść Biełarusi.
Minhandlu vypadkova źliła dakumient, u jakim pakazała, jak i za što naličvaje premii10
Kamientary
Ja nie mohu skryvať svoju piečal
Začiem łhała, začiem klałaś v lubvi?
Vied́ byli łożju vsie słova tvoi...