ES zajaviŭ, što vybary ŭ Biełarusi «nie byli ni svabodnymi, ni spraviadlivymi»
Kiraŭnica jeŭrapiejskaj dypłamatyi Kaja Kałas i jeŭrapiejski kamisar u pytańniach pašyreńnia i palityki dobrasusiedstva Marta Kos apublikavali sumiesnuju zajavu z nahody «vybaraŭ» u Biełarusi.
«Siońniašnija falšyvyja vybary ŭ Biełarusi nie byli ni svabodnymi, ni spraviadlivymi. Narod Biełarusi zasłuhoŭvaje realnaj mahčymaści vybirać, chto budzie kiravać ich krainaj», — havorycca ŭ zajavie.
ES zaklikaje Łukašenku nieadkładna i biez umovaŭ vyzvalić usich palityčnych źniavolenych, uklučajučy supracoŭnika delehacyi Jeŭrapiejskaha sajuza.
U zajavie nahadali, što naziralnikaŭ ad jeŭrapiejskich arhanizacyj zaprasili na «vybary» zanadta pozna, kab jany mahli tam prysutničać.
ES kaža, što praź niesumlennyja vybary ŭ Biełarusi i saŭdzieł Łukašenki ŭ vajnie Rasii suprać Ukrainy jany nie źmieniać svajoj pazicyi.
«ES praciahnie ŭvodzić abmiežavalnyja i metanakiravanyja miery suprać režymu, a budzie finansava padtrymlivać hramadzianskuju supolnaść, biełaruskija demakratyčnyja siły ŭ vyhnańni i biełaruskuju kulturu. Jak tolki Biełaruś pačnie pierachod da demakratyi, ES hatovy padtrymać krainu ŭ stabilizacyi jaje ekanomiki i refarmavańni instytutaŭ».
«ES staić na baku biełaruskaha naroda, i naša padtrymka ŭ ich imknieńni da svabodnaj, demakratyčnaj, suvierennaj i niezaležnaj Biełarusi, jak častki mirnaj i kvitniejučaj Jeŭropy, niepachisnaja», — skazana ŭ zajavie.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary