«Śmiełaści apiaredzić starejšaha brata Pucina chapiła tolki na niekalki hadzin». Frydman — pra vyniki vybaraŭ
Centrvybarkam skarektavaŭ tyja vyniki Łukašenki, što davali nieviadomyja aŭtary ekzitpołaŭ, da trochi bolš ścipłych ličbaŭ.
Ci napiša Alaksandr Łukašenka sabie ličbu narodnaj padtrymki, bolšuju za pucinskuju — hałoŭnaja intryha prezidenckich vybarach 2025 hoda.
I spačatku padałosia, što tak, Łukašenka pieraplunie starejšaha brata: praŭładny ekzitpoł učora ahučyŭ pieršyja ličby — Łukašenku jany namalavali 87,6%. I heta było krychu bolš, čym u Pucina na minułych vybarach — 87,28%.
Ale ŭsiaho praź niekalki hadzin vystupiŭ CVK z papiarednimi vynikami. Ličba padtrymki Łukašenki kolkasna źniziłasia niaznačna — mienš čym na pracent, ale jakasna — davoli surjozna: 86,82% — heta mienš, čym u Pucina.
«Śmiełaści apiaredzić «starejšaha brata Pucina» chapiła ŭsiaho na niekalki hadzin, — zaŭvažyŭ palitołah Alaksandr Frydman. — Acenka vynikaŭ «vybaraŭ» nie źmianiłasia, ale nie budu chavać, što Łukašenka nie apraŭdaŭ maich čakańniaŭ. Prahnoz na vynik u kalidory 87—92% nie paćvierdziŭsia».
Jon adznačyŭ, što Łukašenka ŭ kłubie dyktataraŭ vyhladaje niepaŭnavartasna.
«Alijeŭ pavinšavaŭ Łukašenku z «upeŭnienaj pieramohaj». Rachmon adznačyŭ «vysoki vynik». Z vusnaŭ «90-pracentnych» takija vinšavańni «80-pracentnamu» hučać davoli dvuchsensoŭna. Ź nieciarpieńniem čakaju vinšavańnie «97-pracentnaha» patryjarcha Teadora Abianha Nhiemy Mbasoha z Ekvataryjalnaj Hviniei», — dadaŭ Frydman.
Televizijščyki pakazali žachlivuju jaŭku na ŭčastku, dzie hałasavaŭ Łukašenka
Łukašenka pryjšoŭ na vybary z Umkam. Toj pamieciŭ vybarčy ŭčastak
Łukašenka skazaŭ, što nie chacieŭ iści na hetyja vybary, ale na jaho nakinułasia Kačanava
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ
Akcyi suprać pryznańnia vybaraŭ Łukašenki prajšli ŭ roznych krainach
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary