Paśla tak zvanych vybaraŭ u Biełarusi šerah krain zajavili pra niepryznańnie ich vynikaŭ i ŭviadzieńnie sankcyj suprać šerahu biełaruskich jurydyčnych asob i hramadzian
Kiraŭnik CVK Biełarusi Ihar Karpienka ličyć uklučeńnie jaho ŭ sankcyjny śpis Vialikabrytanii i Kanady samaj vysokaj acenkaj dziejnaści biełaruskaj Centralnaj vybarčaj kamisii, piša «Sputnik».
«Heta ja ŭsprymaju jak samuju vysokuju acenku dziejnaści našaj kamisii pa praviadzieńni vybarčaha pracesu», — zajaviŭ Karpienka.
Pavodle jaho słoŭ, tych, chto ŭvodzić sankcyi, cikavić nie sam vybarčy praces — ci adpaviadaje jon nacyjanalnamu zakanadaŭstvu, — ich cikavić vynik. I kali vyniki vybaraŭ buduć zručnymi dla Zachadu, to vybary ŭ Biełarusi buduć acenieny zusim pa-inšamu. «A my vybary pravodzim dla siabie, u intaresach svajoj krainy», — padkreśliŭ kiraŭnik CVK.
Karpienka ŭ hetym kantekście nahadaŭ papularnuju frazu, što ŭ Anhlii niama siabroŭ — u Anhlii jość tolki svaje intaresy.
«Niahledziačy na toje, što my — nievialikaja pa terytoryi kraina, nievialikaja pa kolkaści nasielnictva, ale ŭ našych ludziej taksama jość svaje intaresy. My nie pretendujem na vialikija hieapalityčnyja inicyjatyvy, ale ŭ našych ludziej taksama jość svaje intaresy», — padkreśliŭ Karpienka.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary