Kiraŭnik łukašenkaŭskaj CVK Ihar Karpienka, vystupajučy ŭ prahramie ministra infarmacyi Marata Markava «Markov. Ničieho ličnoho» na ANT, raschvalvaŭ biełaruskuju vybarčuju sistemu i ciešyŭsia z taho, jak hładka, na jahonuju dumku, prajšła apošniaja kampanija pa pieraabrańni Łukašenki. Ale ŭ toj ža čas nie vyklučyŭ, što ŭ budučyni navat praź imitacyju narodnaha volevyjaŭleńnia Łukašenku budzie prachodzić niekamfortna.
Ihar Karpienka dapuściŭ mahčymaść, što ŭ budučyni narod možna budzie ŭvohule nie tryvožyć, praciahvajučy paŭnamoctvy Łukašenki na Usiebiełaruskim narodnym schodzie.
«Całkam mahčyma abmiarkoŭvać hetaje pytańnie, ale heta zaležyć nie ad CVK, a ad zakanadaŭca, voli naroda, Kanstytucyi, u jakoj heta ŭsio prapisana. Heta surjoznyja pytańni, jany niaprostyja. Ale jany majuć prava być, tamu što vopyt padobny jość», — zajaviŭ Karpienka.
Vopyt, pra jaki jon havoryć — kitajski, dzie, jak viadoma, kiraŭnictva krainy «abirajecca», jak niekali ŭ SSSR, na partyjnych źjezdach, a na samaj spravie ŭsie kadravyja pytańni vyrašajucca zahadzia.
«Ja nie vieru ŭ hety libieralny demakratyzm, nie vieru ŭ heta. Hetaja sistema [padobnaja da kitajskaj], na moj pohlad, bolš sumlennaja ŭ adnosinach da svajho vybarščyka», — zajaŭlaje staršynia CVK.
Varta adznačyć, što ŭ vybarach delehataŭ Usiebiełaruskaha narodnaha schodu, farmalna ŭviedzienaha ŭ jakaści najvyšejšaha orhana ŭłady ŭ apošniaj redakcyi łukašenkaŭskaj kanstytucyi, narod nie ŭdzielničaje navat farmalna. Usich delehataŭ na jaho vyłučajuć sa svaich šerahaŭ łukašenkaŭskaja viertykal i roznyja praŭładnyja struktury.
Markaŭ abvinavaciŭ Google u «infarmacyjnych pravakacyjach suprać prezidenckich vybaraŭ» i choča zrabić ajčynny Raskamnahlad
Karpienka nazvaŭ sankcyi Zachadu «vysokaj acenkaj» pracy CVK
«Jon na nastupny termin nie budzie abiracca». Słovy Łukašenki 26 studzienia analizuje Mikoła Buhaj
«Tranzit moža adbycca tolki pad Kolu». Łatuška prapanuje ŭvažliva sačyć za karjeraj małodšaha syna Łukašenki
CVK raskazaŭ, kolki namalavali hałasoŭ kožnamu z kandydataŭ
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach14
Kamientary
da, Red.? abiacajecie-abiacajecie? što apošniaja apošniaja
bo ja ŭžo nie dažyvu
Čiem ona boleje čiestnaja? Tiem, čto eto nie imitacija, i čto srazu vidno, čto narod nikak nie budiet učastvovať? Za etich členov nikto dažie nie hołosujet! Połučajetsia, možno naznačiť tiech, kto vybieriet tiebia!
VNS voobŝie nie vpisyvajetsia v Konstituciju i razdielenije vłastiej.