Hramadstva2828

Stała viadoma, jak dobra ŭładkavaŭsia ŭ žyćci muž starejšaj unučki Łukašenki

Dźmitryj Dziatłaŭ pracuje ŭ rybnym biznesie, vyśvietliła«Biuro».

Alaksandr Łukašenka, Viktoryja Łukašenka i Dźmitryj Dziatłaŭ

Dźmitryj Dziatłaŭ — muž Viktoryi Łukašenki, starejšaj unučki Alaksandra Łukašenki. Jon vučyŭsia razam ź joj na fakultecie mižnarodnych adnosin BDU. Pieraddypłomnuju praktyku student prachodziŭ u «ZachadTransEkśpiedycyi» — firmie, jakaja zajmajecca pierapracoŭkaj i pieravozkaj zvadkavanych vuhlevadarodnych hazaŭ.

Tudy ž chłopiec uładkavaŭsia paśla vypusku z univiersitetu, atrymaŭšy dobruju pasadu — namieśnika načalnika kamiercyjnaha adździeła.

25% hetaj kampanii naležać biznesoŭcy Ludmile Niaronskaj. 

«Hetaja dama [Niaronskaja] maje [u Biełarusi] peŭnuju vahu i peŭnyja łabisckija mahčymaści», — raskazaŭ «Biuro» daśviedčany biełaruski biznesoviec.

Dzieci Niaronskaj i starejšaha syna Alaksandra Łukašenki Viktara razam vučylisia ŭ minskaj himnazii №16. Razam sa svaimi dziećmi, dziećmi Viktara Łukašenki i jahonaj žonkaj Niaronskaja ŭ 2019 hodzie lotała na pryvatnym biznes-džecie ź Minska ŭ Dubaj. Na zvarotnym šlachu da ich dałučyŭsia i Viktar Łukašenka.

Dziakujučy «Kibierpartyzanam» «Biuro» daviedałasia, što muž Viktoryi Łukašenki Dźmitryj Dziatłaŭ praciahvaje pracavać u firmach Niaronskaj. U 2022 hodzie Dziatłaŭ pierajšoŭ z «ZachadTransEkśpiedycyi» ŭ «Marskija promysły» i «Marskija siezony».

U hetych kampanijach mužčyna zaniaŭ pasadu namieśnika dyrektara pa ahulnych pytańniach. I ŭžo da siaredziny 2023 hoda ŭ hetych kampanijach Dziatłaŭ staŭ zarablać bolš za 10 tysiač biełaruskich rubloŭ za miesiac, u toj čas jak siaredniaja zarpłata pa krainie była ŭ 5 razoŭ mienšaj.

Kampanija «Marskija siezony», jakaja źjaviłasia ŭ kastryčniku 2022 hoda, buduje rybapierapracoŭčy zavod u svabodnaj ekanamičnaj zonie «Viciebsk». I, jak śćviardžajuć žurnalisty, karystajecca tam šyrokimi padatkovymi i mytnymi lhotami. Jašče adzin zavod «Marskija siezony» budujuć pad Minskam.

Na zavodzie, jaki budujuć u Viciebsku, płanujuć vypuskać nie tolki file i farš ź mintaja, ale i pielmieni z ryby i inšyja paŭfabrykaty. Hatovuju pradukcyju płanujecca pradavać u pieršuju čarhu na ŭnutranym rynku, a taksama ekspartavać pieravažna ŭ krainy JEAES.

Kamientary28

  • Jan
    06.02.2025
    «U hetych kampanijach mužčyna zaniaŭ pasadu namieśnika dyrektara pa ahulnych pytańniach. I ŭžo da siaredziny 2023 hoda ŭ hetych kampanijach Dziatłaŭ staŭ zarablać bolš za 10 tysiač biełaruskich rubloŭ za miesiac, u toj čas jak siaredniaja zarpłata pa krainie była ŭ 5 razoŭ mienšaj.»
    Adrazu namieśnikam pa niejkich ahulnych pytańniach, karaciej ni za što nie adkazaje, zatoje zarobak jak prostaha biełarusa za paŭhady. Čarhovaje kumaŭstvo i błat. Voś tak siamiejka Łukašenak doić usiu krainu, usich biełarusaŭ. Jašče i lhoty sabie paŭsiul prapisali, a naroda ździaruć usie padatki papoŭnaj.
  • 25-26
    06.02.2025
    Nu to i što? Majem ZAO Biełaruś dzie dyrektaram Łukašienka A.H. (praŭda kantrolny pakiet akcyj u dyrektara VsiejaRusi Pucina V.V.). Tamu i uładkoŭvaje mužoŭ svaich unučak dzie zaŭhodna
  • Kał-choźnik kał-choźnika vidit izdaleka
    06.02.2025
    Kał-choznaja poruka mažiet,kak kopoť. Nu,etoho bodriačka oni na samolet jeŝie mohut vziať—muž taki etoj,kak jeje, kałchoźnicy iz kałchoznoho roda.

Ciapier čytajuć

Pamior były palitviazień Valeryj Cimašenka. Jamu było 42 hady2

Pamior były palitviazień Valeryj Cimašenka. Jamu było 42 hady

Usie naviny →
Usie naviny

Analiz DNK raskryŭ šakujučuju praŭdu pra baćkoŭ Tutanchamona4

Dziaržaŭnaje vydańnie: «Minsk choča źnižeńnia hradusa kanfliktu z Polščaj», «bo ŭ narmalizacyi tranzitu zacikaŭlenaja KNR»6

Pad Varšavaj dziki zaleźli na futbolnaje pole i mocna jaho pieraryli FOTY3

Tramp pavieryŭ u poŭnuju pieramohu Ukrainy30

U Varšavie pierapachavajuć piśmieńnika Siarhieja Piasieckaha4

Pieravozčyki ŭžo adnavili pramyja rejsy ŭ Polšču. Kolki ciapier kaštujuć bilety4

«Dzida trapiła jamu ŭ hrudzi». Padčas pradstaŭleńnia ŭ Lidzie śmiarotna paranili kania3

Tramp dazvoliŭ NATA źbivać rasijskija samaloty i pachvaliŭ Ukrainu za vydatnuju pracu2

Tramp źbirajecca pahavaryć z Orbanam, kab toj nie kuplaŭ rasijskaj nafty1

bolš čytanych navin
bolš łajkanych navin

Pamior były palitviazień Valeryj Cimašenka. Jamu było 42 hady2

Pamior były palitviazień Valeryj Cimašenka. Jamu było 42 hady

Hałoŭnaje
Usie naviny →

Zaŭvaha:

 

 

 

 

Zakryć Paviedamić