Prakuratura pakazała interjery kałonii, u jakoj trymajuć Alesia Bialackaha
Prakuratura dała spravazdaču pra pracoŭnuju pajezdku prakurora Mahiloŭskaj vobłaści Valeryja Kulikoviča ŭ Horacki rajon, dzie jon «vyvučyŭ umovy adbyćcia pakarańnia ŭ PK №9». Heta kałonija, dzie znachodzicca palitviazień, pravaabaronca i nobieleŭski łaŭreat Aleś Bialacki.
Pavodle pres-słužby, prakuror pravioŭ u kałonii asabisty pryjom — da jaho źviarnulisia try asudžanyja. Pytańni tyčylisia prymianieńnia lipieńskaj amnistyi 2024 hoda «ŭ suviazi z 80-hodździem vyzvaleńnia Biełarusi ad niamiecka-fašysckich zachopnikaŭ». Prakuror vobłaści «rastłumačyŭ im adsutnaść padstaŭ dla prymianieńnia amnistyi».
Akramia taho, piša pres-słužba, Valeryj Kulikovič aznajomiŭsia z umovami adbyćcia pakarańnia ŭ kałonii, arhanizacyjaj charčavańnia, bytavym i miedycynskim zabieśpiačeńniem asudžanych.
Prakuratura apublikavała dva zdymki, na jakich možna pabačyć interjery pamiaškańniaŭ kałonii, dzie adbyvaje pakarańnie palitviazień Aleś Bialacki.
Aleś Bialacki — kiraŭnik i zasnavalnik Pravaabarončaha centra «Viasna». Byŭ zatrymany 14 lipienia 2021 hoda. Vystaŭlenyja abvinavačvańni: art. 228 Kryminalnaha kodeksa — kantrabanda; č. 2 art. 342 KK — finansavańnie hrupavych dziejańniaŭ, jakija hruba parušajuć hramadski paradak.
3 sakavika 2023 hoda ŭ sudzie Leninskaha rajona Minska sudździa Maryna Zapaśnik pryznačyła Bialackamu 10 hadoŭ kałonii va ŭmovach uzmocnienaha režymu.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary