Jak stała viadoma «Našaj Nivie», adpaviednyja paviedamleńni pryjšli siońnia i biełaruskim hrantaatrymalnikam Nacyjanalnaha fondu ŭ padtrymku demakratyi.
Nacyjanalny fond u padtrymku demakratyi byŭ stvorany ŭ časy prezidenctva Ronalda Rejhana. Jon finansava padtrymlivaŭ prademakratyčnyja inicyjatyvy i niezaležnyja ŚMI va ŭsim śviecie, u tym liku i biełaruskija.
U studzieni fond zamaroziŭ dziejnaść — pa rašeńni administracyi Donalda Trampa. Heta zdaryłasia ŭpieršyniu ŭ jaho historyi. Raniej jon karystaŭsia padtrymkaj abiedźviuch amierykanskich bujnych partyj.
Ciapier dziejnaść fondu adnoŭlenaja. Heta zdaryłasia paśla zvarotu jaho ŭ sud.
10 sakavika na sajcie fondu źjaviłasia paviedamleńnie: «Siońnia Nacyjanalny fond u padtrymku demakratyi (NED) znoŭ atrymaŭ dostup da srodkaŭ, vydzielenych Kanhresam, jakija byli niedastupnyja z kanca studzienia. NED vitaje rašeńnie Dziarždepartamienta ab źniaćci abmiežavańniaŭ i pačatku adnaŭleńnia finansavańnia, jakoje było zaćvierdžana Kanhresam, a taksama zamiežnaj dapamohi. Heta značny krok u zabieśpiačeńni mahčymaści NED praciahvać svaju misiju pa raźvićci svabody pa ŭsim śviecie.
«My vysoka aceńvajem hety krok Dziarždepartamienta pad kiraŭnictvam dziaržsakratara Rubia», — zajaviŭ Piter Raskam (adstaŭny kanhresmien), staršynia praŭleńnia NED. «Heta važnyja kroki dla poŭnaha adnaŭleńnia našaj zdolnaści padtrymlivać zmaharoŭ za demakratyju ŭ represiŭnych režymach, takich, jak Kuba, Vieniesueła, Iran, Kitaj, Rasija dy inšyja krainy».
Razbłakavańnie srodkaŭ adbyłosia paśla taho, jak 5 sakavika NED padaŭ u sud u suviazi ź niezakonnym błakavańniem dostupu da srodkaŭ, vydzielenych Kanhresam, uklučajučy 167 miljonaŭ dołaraŭ užo pryznačanych srodkaŭ i dadatkovyja 72 miljony dołaraŭ, jakija byli vyłučany Kanhresam, havorycca ŭ paviedamleńni Fondu.
«My hłyboka ŭdziačnyja Dziarždepartamientu za pryniatyja miery», — skazaŭ Dejman Uiłsan, prezident i hienieralny dyrektar NED. «My zastajomsia prychilnymi da dasiahnieńnia ŭstojlivaha rašeńnia, jakoje zabiaśpiečyć NED mahčymaść padtrymlivać Złučanyja Štaty ŭ ich misii pa prasoŭvańni demakratyi i svabody va ŭsim śviecie. Bolš svabodny i kvitniejučy śviet umacoŭvaje biaśpieku Amieryki, spryjaje ekanamičnamu rostu i ŭzmacniaje hłabalnaje lidarstva ZŠA».
Adnaŭleńnie finansavańnia pakul častkovaje, ale NED adznačaje, što «spadziajecca atrymać dostup da poŭnaj sumy vydzielenych Kanhresam srodkaŭ i zabiaśpiečyć, kab u budučyni finansavańnie nie było pierapyniena anałahičnym čynam».
Padtrymkaj NED karystalisia ŭ tym liku Mižnarodny respublikanski instytut, Nacyjanalny demakratyčny instytut, Centr mižnarodnaha pryvatnaha pradprymalnictva i Centr salidarnaści, a taksama tysiačy arhanizacyj u roznych krainach, jakija zmahajucca za demakratyju i pravy čałavieka pa ŭsim śviecie.
Jak stała viadoma «Našaj Nivie», adpaviednyja paviedamleńni pryjšli siońnia i biełaruskim hrantaatrymalnikam Nacyjanalnaha fondu ŭ padtrymku demakratyi.
Rubia: My aficyjna admianiajem 83% prahram USAID
Viarchoŭny sud ZŠA admoviŭ Trampu ŭ prośbie pakinuć zamarožanymi srodki na zamiežnuju dapamohu
Administracyja Trampa zajaŭlaje, što skaračaje 90% kantraktaŭ USAID na zamiežnuju dapamohu
Kitaj pačaŭ prapanoŭvać krainam svajo finansavańnie zamiest USAID
Tramp zapatrabavaŭ zakryć USAID za «karupcyju»
Kamientary
Kab trapić da " nieda" i atrymać 1$ niešta mnie padkazvaje ....ni prosty šlach. Ni maje ni vašy $ vydatkovajuć Kali hrantadaviec ličyć vartym jaho $ jamu vyrašać..