U Viciebskaj vobłaści brakańjer ukusiŭ jehiera, ale ŭ turmu nie trapiŭ
Mužčyna z tavaryšam nałavili ryby na 36 tysiač rubloŭ, a potym sprabavali ŭciačy ad jehieraŭ.
U Viciebskaj vobłaści asudzili brakańjera, jaki niezakonna łaviŭ rybu i nanios cialesnyja paškodžańni jehieru. Incydent zdaryŭsia jašče ŭ mai 2024 hoda, kali łoŭla ryby była abmiežavanaja.
U noč na 13 maja mužčyna ź siabram łavili rybu ŭ adnym vadajomie Lepielskaha rajona. Škoda pryrodzie skłała 36 tysiač rubloŭ.
«Padčas zabarony z vykarystańniem draŭlanaj łodki ź viosłami i snaściaŭ, u pryvatnaści sietkami, zdabyli 205 asobin ryby: 21 čyrvonapiorku, 12 laščoŭ, 2 liny, 3 ščupaki, 11 sudakoŭ, 38 akunioŭ, 64 hustaraŭ, 54 asobiny płotki», — raspaviali pra ŭłoŭ u prakuratury.
Brakańjera vysačyli supracoŭniki inśpiekcyi žyviolnaha i raślinnaha śvietu. Mužčyny pasprabavali źbiehčy ad jehieraŭ, a kali ich złavili, abvinavačvany ŭkusiŭ inśpiektara za ruku.
Vinu mužčyna nie pryznaŭ. Sud pryznačyŭ jamu 3,5 hoda chatniaj chimii i štraf 300 bazavych vieličyń (12,6 tysiačy rubloŭ). Akramia taho, jamu daviadziecca kampiensavać maralnuju škodu ŭkušanamu inśpiektaru — jaje acanili ŭ tysiaču rubloŭ.
Kamientary