Jahor Šaranhovič, napadajučy kanadskaha «Kałhary Fłejmz», atrymaŭ surjoznuju traŭmu naprykancy rehularnaha čempijanatu. Pa słovach hienieralnaha mieniedžara kamandy, na adnaŭleńnie moža spatrebicca da šaści tydniaŭ.
Napadajučy «Kałhary Fłejmz» biełaruski chakieist Jahor Šaranhovič nie zmoža dapamahčy kamandzie ŭ mižsiezońni — biełarus atrymaŭ pierałom. Pavodle kamientaroŭ kłuba, jon budzie pa-za hulnioj prykładna miesiac-paŭtara.
Šaranhovič pravioŭ u siezonie 73 matčy, nabraŭšy 32 (17+15) ački, pakazčyk karysnaści skłaŭ —9, a kolkaść štrafnych chvilin — 8. Jaho kamanda nie zmahła prabicca ŭ płej-of, tamu «Fłejmz» užo zaviaršyli siezon.
Dla Šaranhoviča heta druhaja traŭma za siezon — u kastryčniku jon prapuściŭ pačatak rehularnaha čempijanatu, ale viarnuŭsia praz try tydni.
U lipieni minułaha hoda Šaranhovič padpisaŭ piacihadovy kantrakt z «Kałhary» na $5,75 młn. Heta adzin z samych praciahłych i darahich kantraktaŭ dla biełaruskaha chakieista ŭ NCHŁ za apošnija hady.
Ciapier čytajuć
Źjaviłasia jašče adno FOTA Mikoły Statkieviča paśla vyzvaleńnia3
Kamientary
[Zredahavana]