«Kali muž prezident, to žonka — heta pieršaja łedzi, pravilna? A kali žonka prezident, to muž — heta pieršy džentlmien».
Padčas intervju litoŭskamu kanału Delfi viadučy pacikaviŭsia ŭ Siarhieja Cichanoŭskaha, jak by jon paprasiŭ siabie nazyvać?
Siarhiej u adkaz zaŭvažyŭ, što ŭ Remarka pračytaŭ dumku ab tym, što imknieńnie da spraščeńnia ŭłaściva dyktataram.
«Kali dyktatary prychodziać da ŭłady, jany ŭsio spraščajuć. Voś dyktatar nazyvaje prosta, naprykład, adnym słovam «błohier». Ci dla ich my ŭsie «złačyncy».
Ale nasamreč, zaŭvažaje Cichanoŭski, čałavieka nielha acharaktaryzavać adnym słovam:
«Čałaviek, i siemjanin, i baćka dziaciej. Ja i pradprymalnik, i pradziusar, i arhanizatar dobry, i šoŭmen, i bukinham zajmaŭsia, kancertnaj dziejnaściu, i rekłamnym ahienctvam kiravaŭ, svaim pradakšnam. To-bok chiba možna čałavieka adnym niejkim słovam acharaktaryzavać? Viadoma ž, nie. (…) Nielha skazać, jon prosta tam błohier ci jon prosta pradprymalnik. Nie. Tamu adnym słovam vielmi ciažka».
Niahledziačy na składanaści, Siarhiej usio ž taki znajšoŭ dla siabie karotkaje aznačeńnie:
«Ja vam tak skažu, kali muž prezident, to žonka — heta pieršaja łedzi, pravilna? A kali žonka prezident, to muž — heta pieršy džentlmien. I voś ja — pieršy džentlmien Biełarusi. Tak, niachaj nie pryznany, ale pieršy džentlmien. I pieršym užo bolš nichto nie budzie. Voś ja — pieršy džentlmien, mianie heta zadavalniaje».
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary
Hetuju praŭdu Naša Niva svajoj cenzuraj imknułasia vysmalić sa svaich staronak ceły tydzień, ale ludzi viedajuć i ad ich ničoha nie schavaješ.
Sa Śviatłanaj my ŭžo šmat fotak bačyli z AAN, G7, NATO. Vielmi čakajem zaraz fotki z taboj i pieršymi łedzi i džentlmenami usich hetych struktur.
Žyvie Biełaruś!