Śpiecpradstaŭnik ZŠA Kit Kiełah naviedaŭ ź vizitam abaronnyja pradpryjemstvy, dzie raspracoŭvajucca ŭkrainskija drony, i nadzvyčaj vysoka acaniŭ patencyjał Ukrainy ŭ hetaj śfiery. Pra heta jon napisaŭ u sacsietcy X.
«Ja na ŭłasnyja vočy pabačyŭ, jak vyrablajucca i raspracoŭvajucca ŭkrainskija bieśpiłotniki. Nievierahodnyja inavacyi», — napisaŭ Kiełah.
Jon padkreśliŭ, što Ukraina lidziruje ŭ hetym novym typie vajny z vykarystańniem BPŁA, i ZŠA pavinny źviarnuć na heta ŭvahu.
«U hetaj novaj ery, typie vajny jany lidzirujuć. Ich chutkaść inavacyj i zdolnaść da pierapracoŭki ŭražvajuć. Naša abaronna-pramysłovaja baza pavinna pryniać heta da ŭvahi i adaptavacca», — padkreśliŭ Kiełoh.
Raniej prezident Uładzimir Zialenski zajaviŭ, što Złučanyja Štaty chočuć nabyvać drony, vyrablenyja va Ukrainie. Pavodle jaho słoŭ, hetaje pytańnie abmiarkoŭvałasia padčas razmovy z Donaldam Trampam.
Kit Kiełah pryjechaŭ va Ukrainu 14 lipienia. Miarkujecca, što jon praviadzie ŭ krainie niekalki dzion. Va Ukrainie Kiełah pavinien atrymać dadzienyja pra patencyjał armii RF i pierśpiektyvy ŭkrainskaha vojska.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary