Litva viarnuła ŭ Rasiju čałavieka, jaki ŭpłaŭ sprabavaŭ uciačy ad vojska
Ministr unutranych spraŭ Litvy Uładzisłaŭ Kandratovič u efiry LRT raskazaŭ pra niadaŭni vypadak, kali rasijanin sprabavaŭ upłaŭ pierasiekčy miažu ź Litvoj, kab paźbiehnuć słužby ŭ vojsku. «Adnaho žadańnia nie iści na vajnu niedastatkova», arhumientujuć u Litvie.
Kandratovič adznačyŭ, što takija vypadki byvajuć, ale ŭsie jany zakančvajucca viartańniem uciekačoŭ nazad u Rasiju. «Jak i ŭ luboj inšaj krainie — jany viartajucca», — skazaŭ ministr.
Žurnalist udakładniŭ, što idzie havorka pra hramadzian Rasii. Kandratovič paćvierdziŭ: «Tak, rasijanie — nazad u Rasiju».
U jakaści vyklučeńnia Kandratovič pryvioŭ prykład ź biełarusam, jaki na hetym tydni pieralez praz aharodžu z dapamohaj leśvicy i źviarnuŭsia pa humanitarnuju dapamohu, spasyłajučysia na kankretnyja fakty. Ciapier jon znachodzicca ŭ centry dla biežancaŭ, dzie ź im pracujuć u miežach standartnaj pracedury.
Ułady Litvy žorstka abmiažoŭvajuć mahčymaść atrymańnia prytułku dla rasijan, što ŭciakajuć ad mabilizacyi.
Mihracyjnyja ŭłady tłumačać: sam pa sabie fakt admovy słužyć u rasijskaj armii nie daje zajaŭnikam nijakich pieravah. Kožnaja sprava razhladajecca indyvidualna.
U vieraśni 2023 hoda Ministerstva ŭnutranych spraŭ Litvy padkreśliła ŭ svajoj pazicyi: «adnaho žadańnia nie iści na vajnu niedastatkova» dla atrymańnia prytułku. Inšaja sprava, kali jość pieraśled za admovu słužyć, ale tolki pry adsutnaści pahrozy dla nacyjanalnaj biaśpieki Litvy.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma20
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1414
Kamientary