Pamior akcior Terens Stemp, viadomy pa rolach u «Supiermienie» i «Zornych vojnach»
Brytanskaha akciora nie stała na 88-m hodzie žyćcia.
Terens Stemp pamior ranicaj 17 žniŭnia. Siamja akciora padkreśliła, što jaho tvorčaść pakinuła niezabyŭny śled i jašče doŭha budzie natchniać ludziej. Pryčyny śmierci nie paviedamlajucca.
Terens Stemp naradziŭsia ŭ Łondanie ŭ 1938 hodzie. Jahonaja pieršaja vialikaja praca — rola ŭ filmie «Bili Bad» (1962), za jakuju jon atrymaŭ naminacyju na «Oskar» i «Załaty hłobus» jak najlepšy debiutant. Paźniej syhraŭ hałoŭnuju rolu ŭ ekranizacyi ramana Džona Faŭłza «Kalekcyjanier» (1965), za jakuju byŭ adznačany na Kanskim kinafiestyvali jak lepšy małady akcior.
Najbolš viadomy hledačam pa roli lichadzieja hienierała Zoda ŭ filmach «Supiermien» (1978) i «Supiermien 2» (1980). Bolš maładomu pakaleńniu Stemp znajomy pa roli kanclera Viełoruma ŭ «Zornych vojnach. Epizod I: Ujaŭnaja pahroza» (1999).
Za svaju bolš jak šaścidziesiacihadovuju karjeru Terens Stemp źniaŭsia bolš čym u 50 filmach. Siarod apošnich prac — «Horkaja žnivo» (2017), «Skryŭleny damok» (2017), «Zahadkavaje zabojstva» (2019) i «Učora ŭnačy ŭ Socha» (2021).
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć42
Kamientary