Mirsalimava zapatrabavała ad «Minskaj praŭdy» vybačycca za paklop Azaronka
Prarasijskaja aktyvistka ź Viciebska nakiravała ŭ dziaržaŭnaje vydańnie skarhu na publikacyju prapahandysta Ryhora Azaronka, dzie jaje imia zhadvałasia ŭ abraźlivym kantekście, i zapatrabavała apublikavać abviaržeńnie dy publična vybačycca pierad joj.
Svoj list jana apublikavała na ŭłasnym telehram-kanale, zaŭvažyŭ kanał «Vitiebsk, ja hulaju! | Novosti Vitiebska»
Elviru Mirsalimavu nie zadavoliŭ artykuł «Azaronak pra zdradu «sprava»: jak vorahi Sajuznaj dziaržavy razburajuć Rasiju i Biełaruś znutry», jaki byŭ apublikavany na staronkach prapahandysckaha vydańnia 12 žniŭnia.
Mirsalimavu, vidać, nie zadavoliła toje, što Azaronok prypisaŭ joj suviazi z YMCA, nazvaŭ jaje svajakoŭ «zmaharami», abvinavaciŭ u pracy na «zachodnich haspadaroŭ», va «ŭcirańni» ŭ rasijskija struktury, napisańni skarhaŭ i navat u «navučańnie ŭ siekcie».
«Aŭtar Azaronok biezdakazna i abraźliva zhadaŭ majo imia, čym nanios mnie asabistuju abrazu, ačarniŭ i dyskredytavaŭ u vačach hramadskaści z vykarystańniem aficyjnaha ŚMI. Usie śćviardžeńni adnosna mianie źjaŭlajucca iłžyvymi i takimi, što hańbiać maju reputacyju», — piša Mirsalimava.
Aktyvistka zapatrabavała apublikavać abviaržeńnie hetaj infarmacyi i prynieści joj publičnyja prabačeńni.
Nahadajem, što ŭ svajoj kałoncy ŭ «Minskaj praŭdzie» Azaronak abvinavaciŭ u «zdradzie Sajuznaj dziaržavy» šerah prarasijskich aktyvistaŭ u Biełarusi. Pad jaho krytyku trapili: Elvira Mirsalimava, Michaił Juspa, Usievaład Šymaŭ, Siarhiej Šyptenka, Juryj Barančyk, Alaksandr Hronski, Kirył Aviarjanaŭ i Arciom Ahafonaŭ. Prapahandyst zajaviŭ, što ŭsie jany «ŭcirajucca ŭ davier» pad prarasijskimi łozunhami, ale nibyta pracujuć na Zachad.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški14
Kamientary