Ciepłavizar nie vyjaviŭ prykmiet žyćcia ŭ alpinistki, jakaja złamała nahu na vyšyni 7000 mietraŭ
Ratavalniki zmahli padniać da miesca znachodžańnia alpinistki drony z vysokadakładnym abstalavańniem, niahledziačy na składanyja ŭmovy nadvorja.
Rasijskaja alpinistka Natalla Nahavicyna, jakaja znachodziłasia na vyšyni kala 7000 mietraŭ na Piku Pieramohi ŭ Kyrhyzstanie, imavierna, zahinuła, paviedamiŭ Dziaržaŭny kamitet nacyjanalnaj biaśpieki krainy.
Niahledziačy na składanaje nadvorje i mocny viecier, vyratavalnyja słužby zdoleli padniać bieśpiłotniki z vysokadakładnym abstalavańniem i pravieści aeramanitorynh z dapamohaj ciepłavizara.
Adnak, jak havorycca ŭ aficyjnym paviedamleńni, «prykmiet žyćcia na miescy znachodžańnia alpinistki nie vyjaŭlena».
U apieracyi ŭdzielničali vajskovyja bieśpiłotniki.
Natalla Nahavicyna zahinuła praktyčna na toj ža vyšyni, dzie čatyry hady tamu pamior jaje muž. Na piku Chan-Tenhry mužčynu paralizavała, i jana zastavałasia ź im da apošniaha. A kali ich pryjšli vyzvalać ratavalniki, zmahli evakuiravać tolki žančynu. Vyratavać muža nie ŭdałosia.
Paźniej Natalla znoŭ padniałasia na pik Chan-Tenhry i ŭstanaviła tam pamiatnuju šyldu.
Z pačatku žniŭnia ŭ harach Kyrhyzstana zahinuli troje zamiežnikaŭ, jašče niekalki čałaviek atrymali ciažkija traŭmy.
Kamientary