Vydaviec Raman Cymbieraŭ praciahvaje vydavać sieryju knih dla dziaciej «Vietračok», jakuju zapačatkavaŭ letam 2025 hodu. Siarod navinak apošniaha času čytačy znojduć knihu vieršaŭ paeta i pierakładčyka Aleha Minkina «Zarapad», piša bellit.info.
U knizie vybranych dziciačych vieršaŭ Aleha Minkina, jakuju prailustravała Kaciaryna Mielnikava, paetyčna ŭvasablajucca nacyjanalnyja mifałahičnyja istoty, ažyvaje raślinny i žyviolny śviet, a taksama apiavajecca biełaruski kalandar.
SMAŬŽY
- Z pramokłych zaraściaŭ ažyny
- Paśla abłožnaje imžy
- Pavypaŭzali na ściažyny
- Daśpiechi prasušyć smaŭžy.
- Pavytyrkali rohi-piki,
- Nibyta ŭ łatach vajary,
- I tak i pruć pad čaraviki,
- Smaŭžy, marudy, niedatyki,
- Vilhotnych nietraŭ žychary.
- Ach, hrozny vypaŭzak smaŭžyny,
- Kab pad abcas prypadkam vy
- Nia trapili — vas sa ściažyny
- Pieraniasu ja ŭ schron travy.
Vydańni sieryi «Vietračok», u tym liku navinku, moža nabyć u «Akademičnaj knizie», u kramie ŭ HC «Kupałaŭski» pad Kastryčnickaj płoščaj (ralety 41-42, čas pracy z pn pa pt z 11 da 18.30, sb z 11 da 17, ndz z 11 da 16), a taksama praz sajt Kniger.by.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary