Piać žycharoŭ Navahrudka asudzili za stvareńnie dvarovaha čata. Usich u kałoniju
Piaciarych žycharoŭ Navahrudku asudzili da kałonii pa «spravie dvarovych čataŭ» za ŭdzieł u «ekstremisckim farmavańni». Zatrymali ich hod tamu.
U Hrodzienskim abłasnym sudzie 21 kastryčnika ahučyli prysud piaciarym palitźniavolenym: Taćcianie Pałubok, Volzie Alaškievič, Iharu Chinieviču, a taksama mužu i žoncy Alaksandru i Irynie Lebiedź.
Pavodle źviestak «Viasny», ich pryznali vinavatym pavodle č. 3 art. 361‑1 Kryminalnaha kodeksu (stvareńnie ekstremisckaha farmavańnia albo ŭdzieł u im) i pryznačyli pa dva z pałovaj hady źniavoleńnia kožnamu, a taksama štrafy pamieram 800 bazavych vieličyń.
Taćcianu Pałubok, Volhu Alaškievič, Ihara Chinieviča, Alaksandra i Irynu Lebiedź zatrymali 31 kastryčnika 2024 hoda. Tady supracoŭniki KDB zładzili rejd na aktyvistaŭ pa ŭsioj krainie.
Jany zatrymlivali ludziej, jakija, na ich dumku, byli datyčnyja da «dvarovych čataŭ». Pravaabaroncy miarkujuć, što žycharoŭ Navahrudka zatrymali za telehram-čat «Partyzany Navahradku». Fihurantaŭ uvieś čas utrymlivajuć u hrodzienskaj turmie № 1.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary
Na skotnom dvorie łukašienko jesť miesto pakistancam i krasaucam, no nie biełarusam.
-Adzin biełarus, partyzan.
-Dva biełarusy, partyzanski atrad.
-Try biełarusy, partyzanski atrad sa zdradnikam.