Prosiać admianić ukaz pra rehulavańnie Internetu.
Hrupa biełaruskich interniet‑karystalnikaŭ źviarnułasia z adkrytym listom da prezidenta Alaksandra Łukašenki, u jakim prosić admianić padpisany im 1 lutaha 2010 hoda ŭkaz № 60 «Ab mierach pa ŭdaskanaleńni vykarystańnia nacyjanalnaha siehmienta sietki interniet».
List prezidentu raźmieščany na śpiecyjalna stvoranym sajcie ukaz60.net. Padkreślivajecca, što dadzieny interniet‑resurs stvorany «dla pryciahnieńnia ŭvahi hramadskaści da prablem i pierśpiektyŭ raźvićcia nacyjanalnaha siehmienta sietki interniet. Sajt ni ŭ jakim vypadku nie niasie ŭ sabie jakoj‑niebudź palityčnaj padaploki».
Inicyjatary zvarotu nahadvajuć, što ŭ krasaviku Saŭmin pryniaŭ šerah pastanoŭ, zaklikanych rastłumačyć ukaz № 60, u pryvatnaści pastanovu № 644 ad 29 krasavika «Ab niekatorych pytańniach udaskanaleńnia vykarystańnia nacyjanalnaha siehmienta hłabalnaj kamṕjuternaj sietki interniet», pastanovu № 646 ad 29 krasavika «Ab uniasieńni źmianieńniaŭ i dapaŭnieńniaŭ u Praviły akazańnia pasłuh elektrasuviazi» i inšyja.
Adnak, jak padkreślivajuć aŭtary zvarotu, na hety momant ukaz maje šerah vidavočnych dla aktyŭnych interniet‑karystalnikaŭ słabych miescaŭ.
Asnoŭnaja sutnaść prablemy — roznyja pračytańni, i navat pradstaŭniki adkaznych struktur nie hatovy dać adkazy na šerah pytańniaŭ.
U liście adznačajecca, što razam z raźvićciom telekamunikacyj u Biełarusi ŭkaz vykliča adtok kapitału, bo mižnarodnyja kampanii, a taksama biźnies, jaki nie maje dakładnaj hieahrafičnaj pryviazki, buduć imknucca pieranieści aktyvy za miažu, kab nie paciarpieć z‑za roznych pračytańniaŭ.
Akramia hetaha, adznačajecca, što rehistracyja drobnych abjektaŭ (e‑mail, paddamieny) zapatrabuje «kałasalnych praca‑ i časazatrat, niesuvymiernych ź mierkavanym efiektam.
«Biaspłatnyja prafiesijnyja i amatarskija chostynhi ŭ Biełarusi źniščajucca ŭkazam (prykład page.by).
A za imi stajać pracoŭnyja miescy i ludzi. Biaspłatnyja chostynhi zaŭsiody byli adnym z ruchavikoŭ internietyzacyi mas u Biełarusi, u Rasii i śviecie (narod.ru, ucoz.ru, blogspot.com i h.d.)», — kanstatujuć aŭtary kalektyŭnaha zvarotu.
«Ź pieršaha lipienia biesparolnyja Wi‑Fi punkty pastaŭleny pa‑za zakonam, bo niemahčyma pravieryć pašpartnyja dadzienyja tych, kaho nie bačyš. Dla praciahu pradastaŭleńnia pasłuh patrabujecca licenzija. Ź pieršaha lipienia davańnie dostupu ŭ damašniuju Wi‑Fi sietku ŭłasnym siabram i haściam robicca niezakonnym», — padkreślivajecca ŭ liście.
Akramia hetaha, pavodle mierkavańnia aktyvistaŭ, interniet pazbaŭlajecca hałoŭnaj pieravahi — mabilnaści, dastupnaści, chutkaści, bo navat dla rehistracyi adrasu elektronnaj pošty spatrebicca praciahły termin zamiest zvyčajnych dźviuch chvilin.
Na dadzieny momant pad zvarotam da kiraŭnika dziaržavy padpisałasia ŭžo bolš za 1.200 čałaviek.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?7
Kamientary