Uitni Chjustan. Jana sama hasiła svajo śviatło

Nie stała amierykanskaj śpiavački i aktrysy Uitni Chjustan.

Na hetym tydni jana niekalki razoŭ źjaŭlałasia ŭ Łos-Andžełasie, a ŭ subotu pavinna była naviedać viečarynku, jakuju voś užo na praciahu niekalkich dziesiacihodździaŭ arhanizuje adzin z kiraŭnikoŭ Sony Music Kłajv Devis za dzień da ŭručeńnia muzyčnych uznaharod «Hremi».

Taksama śpiavačka źbirałasia ŭziać udzieł u adnym z samych papularnych telešou na amierykanskim telebačańni X Factor.

Na praciahu mnohich hadoŭ Chjustan pakutavała ad narkatyčnaj i ałkaholnaj zaležnaści,

Jaje samaj znakamitaj pracaj na kinaekranie stała rola ŭ filmie «Ciełaachoŭnik», a saŭndtrek da hetym filmu z trekam I Will Always Love You — staŭ samym pradavanym saŭndtrekam ŭ historyi suśvietnaha kiniematohrafa.

Chjustan skanała ŭ Bevierli-Chiłz na 49-m hodzie žyćcia. Na praciahu apošnich dzion

jaje pastajanna bačyli razam z muzykam Rej Džejem. Jon i znajšoŭ cieła śpiavački ŭ hateli Beverly Hilton Hotel (pavodle inšych źviestak, Chjustan znajšoŭ ciełaachoŭnik).

Jana na praciahu 15 hadoŭ była zamužam za repieram Bobi Braŭnam. U ich jość dačka Bobi Kryścina.

Chjustan paśpieła zaviaršyć pracu nad filmam Sparkle, dzie ihraje hałoŭnuju rolu.

Krynicy partała tmz.com paviedamlajuć, što nijakich vidavočnych prykmiet naŭmysnaha zabojstva na ciele zorki nie vyjaŭlena. Pa słovach ludziej z atačeńnia Chjustan, uviečary napiaredadni trahiedyi śpiavačka baviła čas ź siamjoj i siabrami.

Kali vieryć supracoŭnikam hatela, napiaredadni Uitni niešta śviatkavała ŭ bary haścinicy. Kampanija śpiavački piła i mocna šumieła.

A maci Uitni Chjustan, Sisi, paviedamiła, što razmaŭlała z dačkoj litaralna za paŭhadziny da jaje śmierci, i nie zaŭvažyła ŭ jaje hołasie i maniery znosin ničoha niezvyčajnaha. Śpiavačka Dajan Uorvik, siastra Uitni Chjustan, taksama ŭ poŭnaj razhublenaści — jana telefanavała Uitni za niekalki hadzin da trahiedyi, kab udakładnić, za jakim stolikam jany buduć siadzieć padčas «Hremi». Uitni była spakojnaja i z radaściu rychtavałasia da cyrymonii.

Bobi Braŭn, były muž Uitni, daviedaŭšysia pra jaje śmierć, raspłakaŭsia, jaho ź ciažkaściu zmahli supakoić.

* * *

Uitni Elizabiet Chjustan naradziłasia 9 žniŭnia 1963 u horadzie Ist-Oranž, štat Ńju-Džersi.

U 11 hadoŭ Uitni pačatku saliravać u chory baptysckaj «Carkvy novaj nadziei» ŭ Ńjuarku. U maładości pracavała rekłamnaj madellu i vystupała ŭ ńju-jorkskich kłubach. Pačatak jaje muzyčnaj karjery pakłaŭ kantrakt sa hukazapisvalnaj firmaj Arista Records ŭ 1983 hodzie.

U 1992 hodzie Uitni Chjustan ŭstupiła ŭ šlub z rep-śpievakom Bobi Braŭnam i praz hod naradziła dačku Kryścinu. Paśla ich siamiejnaje žyćcio była azmročana skandałami, u 2003 hodzie palicyja aryštavała Braŭna za źbićcio žonki. U 2007 hodu jany raźvialisia.

U 2000–2005 hadach śpiavačka niaredka admianiała kancerty i sustrečy, i, na dumku mnohich, vyhladała niezdarovaj i pavodziła siabie na publicy nieadekvatna,

adnak u apošni čas jaje fizičnaja forma palepšała, a vakalnyja dadzienyja adnavilisia.

Jana trapiła ŭ Knihu rekordaŭ Hinesa jak artystka, što maje najbolšuju kolkaść uznaharod — u jaje šeść Grammy, piatnaccać Billboard Music Awards, 21 — American Music Awards, dźvie Emmy.

• 0
• 0
• 0
• 0
• 0
• 0
• 0
• 0