Adbyłosia ŭračystaje adkryćcio kinafestu «Magnificat-2007»
U miastečku Ŭdzieła 21 červienia prajšła cyrymonija adkryćcia III Mižnarodnaha katalickaha festyvalu chryścijanskich filmaŭ i teleprahram «Magnificat-2007».
U miastečku Ŭdzieła 21 červienia prajšła cyrymonija adkryćcia III Mižnarodnaha katalickaha festyvalu chryścijanskich filmaŭ i teleprahram “Magnificat-2007”.
U kaściole Biezahannaha Začaćcia Najśviaciejšaj Panny Maryi adbyłasia ŭračystaja Śviataja imša z udziełam Apostalskaha nuncyja ŭ Biełarusi Marcina Vidaviča, Staršyni Kanfierencyi katalickich biskupaŭ Biełarusi Alaksandra Kaškieviča, biskupa Antonija Dziamjanki i biskupa Ŭładzisłava Blina.
Biskup Alaksandar Kaškievič padkreśliŭ, što siońnia kinematahrafisty ŭsio čaściej źviartajucca da chryścijanskich temaŭ – i važna pra Chrysta śviedčyć, a nie sprabavać vykarystoŭvać u svaich metach, jak heta pnulisia zrabić farysiei.
La pomnika Maksymilijanu Kolbe vystupili pieršy namieśnik staršyni Hłybockaha rajvykankamu Vinalij Piatkievič, prezident katalickaj asacyjacyi dla kamunikacyj “SIGNIS-Eŭropa” Džos Choremans. List ad imia ŭpaŭnavažanaha pa spravach relihij i nacyjanalnaściaŭ Leanida Hulaki začytała kiraŭnik Hłybockaha adździeła kultury Maryja Palak, a pasłańnie z Vatykanu Arcybiskupa Džona Foŭli, prezydenta Papskaj Rady pa pytańniach sacyjalnaj kamunikacyi – prahučała z vusnaŭ dyrektara festyvalu ks.Alaksandra Amialčeni.
Manachinia Safija, prezydent Pravasłaŭnaha kinafestyvalu “Sustreča” z Obninsku, paraŭnała sučasnych dakumentalistaŭ z apostałami, jakija paklikanyja śviedčyć pra Chrysta i pryvodzić ludziej da Boha. A staršynia kinafestu Jury Haruloŭ padkreśliŭ, što tvorcy imknucca być niepadobnymi adzin na adnaho, “ale my ŭsie pavinny być razam u duchoŭnym imknieńni da Boha. I tamu my staim tut pobač: pravasłaŭnyja, pratestanty i katoliki.”
Tradycyjny kadr z “kinachłapuškaj”. Biskupy, Apostalski nuncyj, staršynia žury Krystyna Lalko, staršynia festu Jury Haruloŭ abviaščajuć: “Magnificat – dubl 3”.
III Mižnarodny katalicki festyval chryścijanskich filmaŭ i teleprahram adkryŭsia.
U muzei Maksymilijana Kolbie premjera “niezvyčajnaha filma niezvyčajnaha aŭtara”.
Pazakonkursnaja stužka “Čary pryrody. U lesie” stvoranaja ksiandzom Kazimiram Śviontekam. Jak raspavioŭ Jury Haruloŭ, Jaho Eminencyja pastaviŭ karcinu, kali byŭ probaščam u Pinsku. Haruloŭ źviarnuŭ uvahu na majsterstva aperatara Śvionteka, režysera Śvionteka i mantažnika Śvionteka.
Nasyčanyja kolerami plany lesu pad udumlivyja vieršy źmianiajucca ŭvažlivymi partretami lasnych žycharoŭ. “Karcinu dobra vykarystoŭvać dla art-terapii, kab zdymać ahresiju ŭ padletkaŭ” – zaŭvažaje manachinia Safija, psycholah pa adukacyi.
Telepieradača “Los čałavieka. Ajciec Kazimir” raspaviała pra ksiandza Kazimira Žylisa, jaki mužna adstojvaŭ vieru ŭ savieckija časy, a ŭ niezaležnaj Biełarusi staŭsia spaviednikam źniavolenych Haradzienskaj turmy. Charvacki film “Šlachami pamiaci” – pra pakalečanych vajnoj vajskoŭcaŭ, jakija pilihrymujuć da Łurdzkaj Božaje maci.
Uviečary festyval praciahnuŭsia ŭ Hłybokim.
Fota z sajtu signis.by
Ciapier čytajuć
Łukašenka: Što tvorycca ŭ krainie, u nas usie hetuju huś kruciać30
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5858
Kamientary