«Мы эўрапейцы!»
28 верасьня ў менскім Доме кіно адкрыўся новы сэзон “Канаманіі”, які ладзіцца радыё “Юністар” пры падтрымцы менскага “Кінавідэапракату”. Сэзон распачаўся карцінаю Дэйвіда Фінчэра “Задыяк”, якая будзе дэманстравацца ў Доме кіно да 1 кастрычніка.
Як падкрэсьліў кінааналітык Ігар Сукманаў далей плянуюцца стужкі Эміра Кустурыцы, братоў Коэнаў, Крыстыяна Мунджу, Карласа Рэйгадаса.
“Мы – эўрапейцы!” – зрабіў акцэнт Генэральны дырэктар менскага “Кінавідэапракату” Васіль Коктыш. У нас эўрапейскі глядач, для якога запатрабаванае й арт-гаўзнае “4х4”, і новы праект “За мяжой” – і “Канаманія”. У Маскве не настолькі патрэбны арт-гаўз.
На пытаньне пра дубляж на беларускую мову, прынамсі, арт-гаўзных фільмаў, Васіль Коктыш сказаў, што для перакладу запрашаюць студэнтаў Лінгвістычнага ўнівэрсытэту, для якіх гэта невялікія грошы і практыка. “А калі вы знойдзеце перакладчыкаў на беларускую мову – то калі ласка!”
Наступны фільм “Канаманіі” – “Запавет” Эміра Кустурыцы.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі16
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары