Усяго патроху22

Што мы будзем есці ў будучыні

Просім да стала! Лонданскі Музей Вікторыі і Альберта адсочвае альтэрнатыўныя і эстэтычныя трэнды ў вытворчасці прадуктаў харчавання: ад гастранамічных эксперыментаў да новых магчымасцяў сельскай гаспадаркі, піша DW.

Лозунг: устойлівае развіццё

Выстава ў Музеі Вікторыі і Альберта ў Лондане прадстаўляе больш за 70 праектаў сучасных мастакоў і дызайнераў, створаных у супрацоўніцтве з кухарамі, фермерамі і навукоўцамі. Некаторыя экспанаты нават растуць прама ў музеі. Напрыклад, інсталяцыя GroCycle «Urban Mushroom Farm» («Гарадская грыбная ферма») з ядомых грыбоў, што растуць на кававых адходах.

Патрэбныя змены!

Аўстрыйскі дуэт мастакоў honey & bunny ўжо больш за дзесяць гадоў надае ўвагу тэме прадуктаў харчавання. У сваіх працах Соня Штумерэр (Sonja Stummerer) і Марцін Габлесрайтар (Martin Hablesreiter) паказваюць, што тое, што мы ямо, вызначаецца не выпадкова, а нашым культурным бэкграўндам.

Кампаставаць адходы можна прыгожа

Частка выставы ў лонданскім музеі прысвечана разнастайным праектам з кампаставаннем адходаў і ператварэнне іх ва ўгнаенні. Праект «Daily Dump» («Штодзённае смецце») — гэта сістэма для кампаставання, якая ўжо паспяхова выкарыстоўваецца ў Індыі. Для гэтага адходы, прыдатныя для біялагічнай перапрацоўкі, складаюцца ў тэракотавыя гаршкі ручной работы.

Каўбаса з будучыні

Нідэрландская дызайнерка і даследчыца Каралін Ніблінг працуе над распрацоўкай альтэрнатыў мяса. Яе мэта: паменшыць спажыванне мяса. Вынікі праекта «The Future Sausage» («Каўбаса з будучыні») задакументавала фатографка Наарцье Кнульст. На фотаздымках, сярод іншага, намаляваныя запечаныя ў форме каўбасы морква, фінікі, арэхі і насякомыя.

Фруктовая сцяна

«Fallen Fruit» («Апалая садавіна») — гэта 12-метровая шпалера, вырабленая спецыяльна для выставы. Яна паказвае гісторыю месца — раней тут быў багаты фруктовы сад.

Чалавечы сыр

У 2013 годзе Крысціна Агапакіс і Сісэль Толаас пачалі праект «Selfmade» («Зроблены сам»), падчас якога яны стваралі сарты сыру з бактэрый, вынятых з цел знакамітасцяў.

Ядомая вада

Пластык — вялікая нагрузка для экасістэмы. Сама меней 150 000 000 тон пластыка трапіла ў сусветны акіян. Каб знізіць яго выкарыстанне і, адпаведна, колькасць смецця, лонданская лабараторыя «Skipping Rocks Lab» вынайшла спосаб захоўваць ваду ў вырабленай з багавіння абалонцы.

Сацыяльная сельская гаспадарка

«Company Drinks» («Сумесныя напоі») — гэта міжкультурны праект на ўсходзе Лондана, які аб'ядноўвае прадстаўнікоў розных пакаленняў. У рамках гэтага праекта кожны ахвочы можа далучыцца да вытворчасці напояў — ад збору садавіны і агародніны да перапрацоўкі, збыту і рэалізацыі. Наведвальнікі музея маюць магчымасць азнаёміцца з прадуктамі, вырабленымі ў рамках праекта.

Каментары2

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць