Прэс-сакратар прэзідэнта Расіі Дзмітрый Пяскоў пракаментаваў журналістам пратэсты ў Тбілісі з-за візіту туды тэлевядучага Уладзіміра Познера, піша РБК.
«У Грузіі небяспечна для расійскіх грамадзян. Туды проста небяспечна ездзіць, і гэта расейцы павінны дакладна разумець», — сказаў Пяскоў.
Гаворка ідзе пра падзеі ў Тбілісі ў сераду ўвечары. Познер прыехаў у сталіцу Грузіі, каб адзначыць свой дзень нараджэння: 1 красавіка яму споўнілася 87 гадоў.
Каля гасцініцы, дзе спыніліся журналіст і яго госці, пачалася акцыя пратэсту. Як паведамляе «Грузія Анлайн», мітынгоўцы закідалі будынак яйкамі, акрамя таго, ім удалося абясточыць будынак гасцініцы. Падставай для незадаволенасці пратэстоўцаў стала пазіцыя Познера па сітуацыі ў Абхазіі і Паўднёвай Асеціі.
Акрамя таго, маніфестанты паскардзіліся ў інспекцыю працы на тое, што Познер з гасцямі зладзіў у гасцініцы вячэру ў парушэнне дзеючай у Грузіі з 21:00 каменданцкай гадзіны. Рэстарацыі выпісалі штраф у памеры 10 тыс. лары (7600 беларускіх). Познер і частка запрошаных на ўрачыстасць гасцей таксама былі аштрафаваныя.
Журналіст і яго госці пад аховай паліцыі выйшлі з будынка, селі ў аўтобус і адправіліся ў аэрапорт, а затым пакінулі Грузію.
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары