Армія ЗША пачне іспыты на дарослых валанцёрах вакцыны ад кавіду, здольнай, па словах навукоўцаў, абараніць ад розных штамаў хваробы.
Выпрабаванні пройдуць у Армейскім навукова-даследчым інстытуце імя Уолтэра Рыда, які і распрацаваў вакцыну.
Першапачатковыя вынікі тэсціравання з’явяцца ў сярэдзіне лета. Калі яны будуць станоўчымі, распрацоўшчыкі вакцыны плануюць падключыць да працы над ёй фармацэўтычную кампанію, паведамляе The Wall Street Journal.
Навукоўцы кажуць, што іх вакцына паказала добрыя вынікі падчас выпрабаванняў на малпах, якіх спрабавалі заразіць кавідам.
Таксама ёсць надзея, што армейская вакцына можа абараняць ад новых і больш заразных штамаў віруса, напрыклад, ад брытанскага і паўднёваафрыканскага. Мяркуецца, што гэту прышчэпку можна будзе рабіць людзям, якія ўжо атрымалі зарэгістраваную вакцыну, каб зрабіць іх імунітэт яшчэ мацнейшым.
Навукоўцы з Інстытута імя Уолтэра Рыда стварылі сваю вакцыну шляхам перамяшчэння копіі шыпавага бялка з паверхні віруса SARS-CoV-2 на іншы бялок — ферытын. Ферытын утварае шматбаковыя сферычныя структуры, якія па сваёй форме нагадваюць часціцы каранавіруса. Мэта гэтага — справакаваць імунны адказ, які можа ў будучыні дапамагчы прадухіліць заражэнне кавідам.
-
Штучны інтэлект рашыў задачу Наўе—Стокса, якую людзі не маглі разгадаць 90 гадоў. Гісторыя, аднак, абярнулася скандалам
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары