У Бразіліі знайшлі разнавіднасць каранавіруса невядомага паходжання
Даследчыкі Універсітэта Сан-Паўлу выявілі новую разнавіднасць каранавіруса SARS-CoV-2 і заявілі, што ён хутка пашыраецца ў Бразіліі.
Пра гэта паведамляе Globo са спасылкай на віцэ-прэзідэнта бразільскага Таварыства вірусалогіі Жаао Песоа Араужу Жуніёра, піша ТАСС.
«Варыянт P4 мае невядомае паходжанне. Упершыню яго выявілі ва ўзоры з Макока, муніцыпалітэта ў Сан-Паўлу, пасля чаго ён атрымаў пашырэнне ў Порту-Ферэйры. Вызначыць, ці з'яўляецца ён больш заразным або небяспечным, чым звычайны вірус, пакуль немагчыма», — піша выданне.
Адзначаецца, што новы варыянт Р4 мае агульнае паходжанне з «бразільскімі» штамамі Р1 і Р2 і распаўсюджаным на Філіпінах Р3 — усе яны з лініі B.1.1.28.
Па словах Араужо Жуніёра, прызнаць цяпер наяўнасць новага варыянта ў краіне важна, паколькі ён хутка пашыраецца ў рэгіёне і ўжо знойдзены ў дзевяці муніцыпалітэтах Сан-Паўлу.
«Ён пашыраецца ў асяроддзі, дзе пераважае P1 і «брытанскі» варыянт, але нас вельмі турбуе яго хуткае распаўсюджванне», — дадаў вірусолаг.
Звесткі даследаванняў Універсітэта Сан-Паўлу перадалі ў GISAID — міжнародную ініцыятыву вольнага доступу да інфармацыі аб геномах грыпу і каранавіруса. Там яму далі імя P4.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»9
Каментары