Супрацьстаянне паміж ФІФА і УЕФА абвастраецца. Пасля таго як еўрапейская футбольная федэрацыя заявіла пра намер дамагацца юрыдычных мер у дачыненні да прэзідэнта ФІФА Джані Інфанціна, сусветная футбольная арганізацыя адказала сустрэчнымі абвінавачаннямі, піша The Athletic.
У ФІФА заявілі, што УЕФА вядзе «кампанію ачарнення» арганізацыі і яе кіраўніцтва. У дакуменце, пададзеным у суд Нью-Ёрка, сцвярджаецца, што заявы еўрапейскай арганізацыі з'яўляюцца спробай публічна дыскрэдытаваць ФІФА і Інфанціна.
Прычынай канфлікту стаў сарваны план Інфанціна аб залучэнні інвестараў. Праз кампанію FIFA Forward Enterprise ён хацеў прадаць амерыканскаму інвестыцыйнаму фонду Thrive Eternal 20% камерцыйныя правы і актыўнасці, звязаныя з правядзеннем турніраў ФІФА, за 4,2 мільярда даляраў.
УЕФА выступіла супраць гэтай здзелкі, назваўшы ацэнку долі «абсурдна нізкай». Еўрапейская арганізацыя таксама выказала падазрэнні, што Інфанціна прасоўваў праект у асабістых інтарэсах. Цяпер УЕФА разглядае магчымасць ініцыяваць супраць швейцарца крымінальную справу.
У ФІФА, у сваю чаргу, сцвярджаюць, што УЕФА наўмысна спрабавала сарваць здзелку і нават пагражала байкотам будучых турніраў ФІФА з боку еўрапейскіх зборных.
На думку ФІФА, у аснове канфлікту ляжаць не толькі спрэчкі вакол здзелкі, але і эканамічныя інтарэсы. Маўляў, дадатковае фінансаванне для невялікіх футбольных краін магло б узмацніць іх канкурэнцыю з еўрапейскімі грандамі і, як сцвярджае ФІФА, аслабіць уплыў УЕФА.
Адзін з кіраўнікоў ФІФА звольнены пасля крытыкі плана Інфанціна
Гэтыя краіны публічна падтрымліваюць Інфанціна, а гэтыя — супраць
Інфанціна выбачыўся за памылку, але застаўся прэзідэнтам ФІФА
Інфанціна адступіў: план частковай прыватызацыі чэмпіянатаў свету па футболе адкліканы
ФІФА хоча павялічыць колькасць зборных на мундыялі да 64‑х
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру4
Каментары