Кіраўнік медцэнтра «Нардзін» Дзмітрый Сайкоў аднавіў прыём пацыентаў
Кіраўнік медыцынскага цэнтра «Нардзін» Дзмітрый Сайкоў, якім у маі 2022 года зацікавіліся сілавікі, вярнуўся да працы і зноў прымае пацыентаў.
Так, на сайце медцэнтра паведамляецца, што найбліжэйшая дата запісу на прыём да Сайкова — 21 студзеня. Доктар праводзіць лячэнне залежнасцяў, залішняй вагі, заікання, энурэзу і некаторых скурных захворванняў.
Да працы ён прыступіў у снежні мінулага года, паведамілі выданню Smartpress у медустанове.
Праблемы ў «Нардзіна» пачаліся ў пятніцу 13 мая, калі ў медцэнтр прыйшоў ДФР. Была канфіскавана дакументацыя, у тым ліку старыя журналы рэгістрацыі пацыентаў. Сайкова і яго жонку затрымалі ва ўласным доме падчас адпачынку на Браслаўскіх азёрах. Увечары іх адпусцілі.
Пазней ў «Нардзіне» выявілі парушэнні пры правядзенні артапедычных умяшанняў і факты ўхілення ад выплаты падаткаў.
У жніўні Мінздароўя прыпыняла дзейнасць медцэнтра на нейкі час.
Чым вядомы доктар Сайкоў, у чыю клініку наведаўся ДФР
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары