Грамадства66

Інга Хрушчова: Маркаў — пыхлівы, Азаронак — секта, беларуская прапаганда страшнейшая за расійскую

Былая прапагандыстка беларускага тэлебачання Інга Хрушчова ў інтэрвʼю «Звычайнаму ранку» адказала, ці патрэбная люстрацыя ў Беларусі, ці гатовая яна сама адказаць перад законам і як яна ставіцца да цяперашніх прапагандыстаў.

Інга Хрушчова цяпер жыве ў Баварыі, займаецца вытворчасцю відэа, у тым ліку дапамагае ўкраінскім блогерам рабіць праекты пра рэлакацыю і адаптацыю ўкраінскіх уцекачоў у Нямеччыне.

Да 2013 года яна сама працавала на тэлебачанні, была сімвалам прапаганды.

На пытанне, ці адчувае яна нейкую адказнасць за тое, да чаго ўсё прыйшло, яна адказвае, што, «напэўна, так».

«Таму што я не ў час сышла. Мне хацелася сысці раней, але некаторыя абавязацельствы па спартыўных праектах звязвалі мяне. Па кожным асобным эпізодзе, калі ў людзей узнікнуць пытанні, я гатовая адказаць. Калі наступіць час не калектыўнай адказнасці, а адказнасці кожнага, у кожным канкрэтным эпізодзе можна разбірацца, калі на тое будзе жаданне людзей».

Яна гаворыць, што не разумее былых калегаў, якія сыходзілі ў жніўні 2020-га. «Але гэта іх выбар, гэта іх шлях, і я не магу кідаць у іх камяні і казаць, чаму ты раней не сышоў. У кожнага, напэўна, праходзіць нейкая ўнутраная размова з сабой, каб прыняць такое рашэнне, у кожнага свая мяжа».

Хрушчова распавядае, што сышла з тэлебачання «па маральных прычынах».

«Я перастала знаходзіць для сябе нейкую матывацыю, апраўданні, і я не разумела таго механізма, які пачаў працаваць у гэтай сістэме, нашы дарогі проста разышліся. Я пайшла ў нікуды, і гэта быў мой выбар. Мяне ніхто не выганяў».

Хрушчова кажа, што не пабаіцца ў будучыні вярнуцца ў дэмакратычную Беларусь, нягледзячы на пагрозу люстрацыі. Яна лічыць, што люстрацыя патрэбная.

На яе думку, калі Беларусь хоча стаць дэмакратычнай краінай, то ёй трэба вывучыць вопыт Германіі ў гэтым пытанні. «На жаль, у таталітарнай сістэме атрымліваецца, што ўсе працуюць на гэтую дзяржаву. Мабыць, тут трэба разглядаць кожную справу паасобку і не рабіць агульных высноў. Калі чалавек саўдзельнічаў у злачынствах супраць Украіны, супраць беларусаў, якія выходзілі ў дваццатым годзе, ён павінен несці адказнасць паводле закона, паводле таго закона, які прыняты ў дэмакратычных дзяржавах».

На пытанне, што страшней, расійская прапаганда або беларуская, Хрушчова адказвае, што беларуская.

Яна разважае, што ў расійскіх прапагандыстаў ёсць рэсурсы, ёсць за што стаяць, расійскія прапагандысты — людзі нябедныя.

«За што працуюць беларускія прапагандысты, я не ведаю. І я не ведаю, што трэба сабе гаварыць, каб там працаваць».

Яна кажа, што не сочыць ні за расійскай, ні за беларускай прапагандай — беражэ нервовую сістэму.

Пра Маркава, які стаў знакавай фігурай на тэлебачанні, сказала, што «гэта вельмі пыхлівы чалавек».

«Ён калісьці пачынаў працу следчым, па-мойму, у сілавых структурах. І па сваім менталітэце ён такім і застаўся. Якім ветрам яго выдзьмула на тэлебачанне, я не ведаю, гэта міжкланавыя пытанні тады былі. Але гэты чалавек і журналістыка ідуць паралельнымі шляхамі», — кажа яна.

Пра Рыгора Азаронка, якога яна не глядзіць, але часам чытае, знайшла толькі такое вызначэнне: «Гэта нейкая секта».

Каментары6

  • Джым Джонс
    09.01.2023
    Для кожнай секты будзе свой Джонстаўн.
  • Лухта жа
    09.01.2023
    Копія ня можа быць страшнейшай за арыгінал. Да таго ж, беларускую прапаганду ніхто не глядзіць. Масава вынішчае глузды менавіта маскоўшчына: тэлевізар, інтэрнэт, тэлеграм-каналы і г.д. 
  • даведка
    09.01.2023
    Марков занимался идеологией  в Администрации президента, глава которой Макей хотел его даже уволить...
    В итоге сплавили его на курировавшееся им до этого БТ, откуда позже перевели руководить ОНТ.

Цяпер чытаюць

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца8

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца

Усе навіны →
Усе навіны

Амерыканская разведка не пацвярджае заявы Расіі аб акружэнні УСУ на Куршчыне3

У Мінску ёсць замак, пра які мала хто ведае ФОТЫ3

На захадзе Мінска пашкоджана цепласетка2

«Страшна, што такое адбываецца па дурасці». У вёсцы пад Лагойскам — моцны пажар, згарэлі некалькі дамоў

ДАІ Мінскай вобласці кажа, што ДАІ Гродзенскай вобласці запусціла фэйк пра тэхагляд5

Чаму ў Беларусі імкліва падае нараджальнасць?42

У цэнтры Мінска злавілі гіганцкага судака3

Прэзідэнт Літвы: У нас ёсць 4-5 гадоў, каб падрыхтавацца да магчымай агрэсіі15

З Чырвонага касцёла ў Мінску ўжо некалькі дзён вывозяць рэчы8

больш чытаных навін
больш лайканых навін

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца8

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца

Галоўнае
Усе навіны →

Заўвага:

 

 

 

 

Закрыць Паведаміць