«Гарызонт» паказаў празрысты тэлевізар «паслязаўтрашняга дня»
На выставе «Беларусь інтэлектуальная» паказалі празрысты тэлевізар. Гендырэктар «Гарызонта» Юрый Прадко назваў яго тэхналогіяй «паслязаўтрашняга дня».
«Гэта тэхналогіі паслязаўтрашняга дня. Такія тэлевізары з'явяцца ў шырокага кола спажыўцоў на працягу, можа быць, дзясятка гадоў. Сёння мы вырабляем такія тэлевізары пад замову, у іх камерцыйная цана. Разглядаецца іх выкарыстанне ў аўтамабілях прэміум-класа ў якасці перагародкі паміж кіроўцам і пасажырам. Адначасова і празрыстае шкло-раздзяляльнік, і экран, з якога можна глядзець, напрыклад, навіны», — кажа Прадко.
Ні характарыстыкі, ні цану Прадко не назваў.
Таксама ён паабяцаў, што «Гарызонт» выпусціць гульнявыя ноўтбукі. Лукашэнка запатрабаваў ад яго павялічыць лакалізацыю да 70%.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2222
Каментары