Расіянін Дзмітрый Квартальнаў узначаліў мінскае «Дынама». Экс-трэнер «Ак Барса» будзе сумяшчаць пасады галоўнага трэнера «зуброў» і зборнай Беларусі, паведамляе «Прэсбол».
Апошнім клубам 56-гадовага Квартальнава быў казанскі «Ак Барс», які ён узначальваў з 2019 па 2022 год. Акрамя таго, у паслужным спісе трэнера «Северсталь», «Сібір», ЦСКА і «Лакаматыў».
З ЦСКА Квартальнаў стаў чэмпіёнам Расіі ў сезоне-2014/15, а таксама тры разы выйграваў Кубак Кантынента (2014/15, 2015/16 і 2016/17).
Паведамлялася, што расійскі спецыяліст запытвае 60 мільёнаў расійскіх рублёў (778414 долараў) у магчымых працадаўцаў.
Такім чынам, Квартальнаў будзе першым расіянінам на чале «Дынама»
Учора стала вядома пра тое, што Крэйг Вудкрафт пакінуў сваю пасаду галоўнага трэнера як у мінскім «Дынама», так і ў зборнай Беларусі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары