Сертыфікаты ЦЭ і атэстаты выпускнікі 11-х класаў атрымаюць 10 чэрвеня
Выніковая атэстацыя для выпускнікоў школ у 2023 г.пройдзе ў новым фармаце. Пра гэта журналістам распавяла начальніца упраўлення агульнай сярэдняй адукацыі Міністэрства адукацыі Ірына Каржова, паведамляюць Мінск-навіны.
— Адзінаццацікласнікам трэба будзе здаць два цэнтралізаваныя экзамены (ЦЭ). Адзін з іх па рускай або беларускай мове, другі — па вучэбным прадмеце па выбары навучэнца. Перавагі такіх навін, на наш погляд, відавочныя, — адзначыла Каржова. — Раней выпускнікі здавалі чатыры экзамены ў школе, а пасля, праз невялікі прамежак часу, — яшчэ як мінімум тры ЦТ. Сёння ж ім трэба будзе вытрымаць два ЦЭ і — для паступлення ў ВНУ —адно ЦТ. Акрамя таго, адбылася ўніфікацыя форм правядзення выпускных і ўступных экзаменаў. Цяпер няма пераказаў, кантрольных і вусных экзаменаў, усе выпрабаванні — у форме тэставання.
Па словах начальніцы ўпраўлення агульнай сярэдняй адукацыі, сістэма ў цэлым гатовая да правядзення выніковай атэстацыі выпускнікоў у новым выглядзе. Будуць працаваць 144 пункты ЦЭ, з іх 30 — у ВНУ, 60 — на базе каледжаў і 54 — у школах, ліцэях і гімназіях. Вызначаныя і асноўныя даты цэнтралізаванага экзамену — 14 і 21 мая.
— Акрамя таго, прадугледжаныя рэзервовыя дні — 23 і 25 мая. Тыя навучэнцы, якія па ўважлівай прычыне не змаглі прайсці ЦЭ ў названыя даты, могуць зрабіць гэта яшчэ ў ліпені і жніўні, — сказала Каржова.
Вынікі цэнтралізаванага экзамену пераводзяцца ў 10-бальную шкалу. З улікам атрыманага выніку, а таксама гадавой адзнакі па прадмеце будзе выстаўленая выніковая ацэнка ў атэстат.
— Атэстаты разам з сертыфікатамі ЦЭ моладзь атрымае на выпускным вечары. Яны запланаваныя на 10 чэрвеня, — падсумавала Каржова.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж20
Каментары