Затрымалі супрацоўніка «Гродна Азот» — імаверна, праз тое, што ён пісаў у фэйкавы бот плана «Перамога»
Адна дэталь сведчыць пра тое, што бот, хутчэй, несапраўдны.
Андрэю Алешчыку 46 гадоў. Ён гродзенец, з жонкай яны гадуюць дзвюх дачок. Андрэй працуе машыністам на заводзе «Хімвалакно», які належыць «Гродна Азоту».
Яму закідаюць тое, што ён, быццам бы, у дзень пачатку расійскага ўварвання ва Украіну перадаў звесткі пра сваю вайскова-ўліковую спецыяльнасць чат-боту плана «Перамога». Праўда, ёсць нюанс: на прадстаўленым скрыншоце перапіска не выдаленая, а чат-бот аўтаматычна выдаляе ўсе атрыманыя адказы.
Хутчэй за ўсё, гэта фэйкавы бот.
Ці заведзеная супраць мужчыны крымінальная ці адміністрацыйная справа — невядома.
Нагадаем, каля месяца таму затрымалі супрацоўніка «Гродна Азот» Максіма Сеніка. Яму інкрымінавалі некалькі крымінальных артыкулаў за каментарыі, цяпер ён чакае суда ў турме №1 у Гродне.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў
Каментары