Дзяржаўная нафтавая кампанія Саудаўскай Аравіі Saudi Aramco паведаміла як мінімум двум еўрапейскім нафтаперапрацоўчым прадпрыемствам, што ў кастрычніку яны не атрымаюць сырую нафту паводле доўгатэрміновых кантрактаў. Паводле інфармацыі агенцтва Bloomberg, гэта рашэнне тычыцца ўсіх еўрапейскіх купцоў.
Праблемы з экспартам узніклі пасля таго, як на мінулым тыдні беспілотнік пашкодзіў нафтаправод Saudi Aramco каля Чырвонага мора. У апошнія месяцы ён забяспечваў асноўную частку экспарту саудаўскай нафты, паколькі Армузскі праліў на супрацьлеглым баку краіны застаецца заблакаваным.
Еўрапейскія кампаніі звычайна атрымліваюць саудаўскую нафту на падставе доўгатэрміновых дамоў, якія гарантуюць рэгулярныя штомесячныя пастаўкі. Скарачэнне імпарту ўжо паўплывала на рынак: цана фізічных паставак нафты Dated Brent на гэтым тыдні перавышала 130 даляраў за бараль. Пры гэтым ф'ючарсы Brent на найбліжэйшы месяц даражэлі толькі да 109 даляраў, а ў пятніцу іх кошт апусціўся ніжэй за 105 даляраў.
На фоне дэфіцыту нафты польскай кампаніі Orlen ужо давялося тэрмінова шукаць іншых пастаўшчыкоў. Адсутнасць саудаўскай нафты ў кастрычніку можа прымусіць еўрапейскія нафтаперапрацоўчыя заводы яшчэ больш актыўна шукаць альтэрнатыўныя крыніцы сыравіны, што можа прывесці да далейшага росту цэн у рэгіёне.
У Saudi Aramco разлічваюць часткова аднавіць працу пашкоджанага нафтаправода ў найбліжэйшыя некалькі дзён, а цалкам вывесці яго на поўную магутнасць — на працягу шасці тыдняў.
Еўрапейскім купцам зручна атрымліваць нафту праз порт на Чырвоным моры. Адтуль яе можна перапампоўваць па егіпецкім нафтаправодзе ў міжземнаморскі порт Сідзі-Керыр, дзе нафту загружаюць на танкеры для далейшай дастаўкі на еўрапейскія нафтаперапрацоўчыя заводы.
Кітай папрасіў Іран стрымаць еменскіх хусітаў
Цана расійскай нафты на фоне абвастрэння на Блізкім Усходзе падскочыла да $110 за бараль
Буйны саудаўскі нафтаправод можа быць выведзены са строю на некалькі тыдняў
Еменскія хусіты захапілі стратэгічныя астравы Баб-эль-Мандэбскага праліва. Адзін з найбуйнейшых гандлёвых шляхоў фактычна апынуўся пад кантролем баевікоў
Саудаўская Аравія прыпыніла працу нафтаправода «Усход — Захад» пасля атакі дронаў з тэрыторыі Ірака. Па ім ідзе 5% сусветнай нафты
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам20
Каментары