Усяго патроху33

Маскоўская каманда КВЗ пажартавала пра Прыгожына, Лукашэнку і электронныя позвы

У сеціве абмяркоўваюць выступленне маскоўскай каманды КВЗ. Яе жарты былі даволі смелымі для конкурсу, які паказваюць на расійскім «Першым канале» і які лічыцца палітызаваным.

Каманда МАІ ў гульні КВК
Каманда КВЗ «Зборная МАІ» ў чвэрцьфінале вышэйшай лігі. Скрыншот ютуб-канала КВЗ

Увагу прыцягнула каманда Маскоўскага авіяцыйнага інстытута — «Зборная МАІ». Яна была створаная ў 2022 годзе і ў тым жа годзе пасля выступлення на Міжнародным фестывалі «КиВиН-2022» у Сочы атрымала права выступіць у Вышэйшай лізе.

У гульні чвэрцьфінала вышэйшай лігі КВЗ, якая прайшла 22 красавіка, каманда жартавала на тэмы, звязаныя з вайной і іншымі расійскімі рэаліямі.

Так, калі ў аднаго з гульцоў запілікаў тэлефон, той адразу яго выкінуў.

«Паведамленне ад «Дзяржпаслуг», пасля пагляджу», — сказаў ён (у Расіі ўводзяць электронныя позвы, якія ваенкаматы будуць рассылаць праз сайт «Дзяржпаслугі»).

Падчас сцэнкі каманда прадставіла «першы расійскі бартавы камп'ютар са штучным інтэлектам «Чабурашка».

Далей адбываецца наступны дыялог:

— Чаму «Чабурашка»?

— Гэта іронія. Таксама сем мільярдаў. Толькі затрачана.

Гулец уключае камп'ютар і ён пачынае размаўляць голасам, вельмі падобным да голасу Лукашэнкі. У адказ на пытанне, чаму такі голас, каманда дае тлумачэнне:

— Мы падумалі, лагічна, калі штучны інтэлект будзе размаўляць дружалюбным голасам. Да таго ж, з такім голасам было прасцей сем мільярдаў прасіць.

Пасля пажартавалі, што «Асколкава» — гэта тое, што засталося расійскага інавацыйнага цэнтра «Сколкава» пасля санкцый.

Калі прыдуманы бартавы камп'ютар у нумары нібыта пачаў помсціць і стаў генераваць голас аднаго з гульцоў каманды, той стаў апраўдвацца.

— Паважаныя журы, гэта не я, гэта нейрасетка маім голасам гадасці кажа.

— Чаго вы адмазваецеся, як Іосіф Прыгожын, — папракнуў яго іншы гулец.

Гэта адсылка да выкладзенай у сеціва размовы, якая была нібы паміж музычным прадзюсарам Прыгожыным і мільярдэрам Фархадам Ахмедавым. Галасы на запісе ў рэзкіх выразах крытыкуюць улады Расіі. Прыгожын пасля заявіў, што гэта фэйк і намякнуў на магчымасці штучнага інтэлекту.

Цікава, што «Зборная МАІ» стала пераможцай гэтай гульні.

Чытайце яшчэ:

Франтмен «Доктара Хауса»: Мужчына лепш піша жарты, бо ён больш прадукцыйны

Каментары3

  • Ёсік
    27.04.2023
    Галоўнае, што сво вайной не абазвалі ды Пуціна з Мядзведзевым не чапалі. Прыгожын не той, з якога можна сьмяяцца. Лукашэнку нідзе не паважаюць, таму і жарты па першым круцяць. Хроснага б. глядзела ўся Расея, дык як яшчэ да яго ставіцца, блазан і ёсць блазан, але сябра на стагоддзі.
  • даведка
    27.04.2023
    ОНТ вырезало из эфира этот момент с сипатым голосом, похожим на генерального прокуратора Лукашенко.
  • Не вядзіцеся!
    27.04.2023
    Усі хто выступае ў КВН спачатку паказваюць сваі нумары ватніку-Маслякову на закрытым паказе, і толькі пасля гэтага і цэнзуры іх дапускаюць да ТВ.
    Ніякіх "вольнасцяў" там няма і быь ня можа!!!

Цяпер чытаюць

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней12

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Усе навіны →
Усе навіны

Лукашэнка прыехаў у Крэмль з люксавым рэменем Hermes ФОТАФАКТ20

Ці могуць ЗША вывесці з ладу ўзбраенні, якія пастаўляюцца Еўропе?1

Кіеў пачаў нацыяналізацыю ўкраінскіх актываў «Беларуськалія». Частку з іх паспелі прадаць5

Лукашэнка: Трамп зранку кажа адно, а вечарам другое16

«Урсула ні разу нармальнага пісталета не бачыла»16

Расія прапануе неразмяшчэнне «Арэшніка» ў Беларусі ўзамен на неразмяшчэнне амерыканскіх балістычных ракет сярэдняй далёкасці ў Еўропе5

«Камунарка» пачала прадаваць дубайскія цукеркі5

Беларус абурыўся «вар'яцкімі» цэнамі на красоўкі13

Лукашэнка: У амерыканцаў няма ніякага плана, яны проста зандуюць глебу17

больш чытаных навін
больш лайканых навін

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней12

Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней

Галоўнае
Усе навіны →

Заўвага:

 

 

 

 

Закрыць Паведаміць