Суд Заводскага раёна Мінска асудзіў 36-гадовага мінчука да 9 гадоў калоніі паводле артыкула аб выкраданні чалавека (артыкул 182 КК), у жніўні 2021 года ён з саўдзельнікам выкраў, збіў і закапаў па шыю ў пясок двух чалавек. На апублікаванае рашэнне суда звярнула ўвагу «Зеркало».
Паводле матэрыялаў справы, у абвінавачанага і яго 18-гадовага змоўшчыка здарыўся канфлікт з двума мужчынамі. Яны прызначылі ім сустрэчу на аўтастаянцы і, пагражаючы пісталетам, пасадзілі ў машыну. Аднаму з пацярпелых разбілі галаву рукаяткай. У машыне пацярпелым звязалі рукі пластыкавымі хамутамі, адабралі ў іх усю маёмасць і прышпілілі ланцугамі, якія былі прымайстраваныя пад сядзеннямі. На галовы ім надзелі лыжныя маскі з заклееным шклом, рот заляпілі скотчам.
Пацярпелых адвезлі за горад, дзе змясцілі ў загадзя выкапаную яму, і засыпалі пяском па шыю, абматалі галовы скотчам, заляпілі вушы і пакінулі ў такім становішчы.
Праз некаторы час аднаму з пацярпелых удалося выбрацца з ямы. Пасля ён дапамог вылезці з яе прыяцелю. Яны пайшлі ў бок дарогі, дабраліся да Мінска і паведамілі пра здарэнне ў міліцыю.
Выкрадальнікі паспелі схавацца, іх абвясцілі ў вышук. Праз год аднаго з іх, старэйшага, затрымалі ў Маскве і экстрадавалі ў Беларусь. Другога ўсё яшчэ шукаюць.
На падставе закона «Аб амністыі ў сувязі з Днём народнага адзінства» тэрмін мінчуку паменшылі на адзін год.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА59
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны55
Каментары