Асудзілі за пратэсты трох чалавек у Круглым. Сярод іх дзяўчына, якой не давалі лячыцца
Суд Круглянскага раёна асудзіў адразу трох чалавек за ўдзел у акцыях пратэсту паводле ч. 1 арт. 342 КК (Удзел у дзеяннях, якія груба парушаюць грамадскі парадак), піша «Вясна».
Суддзя Дзмітрый Сасноўскі прызначыў палітзняволенай Аліне Горавай адзін год «хатняй хіміі», Уладзіславу Лагуценку і Аляксею Цыганаву — 2,5 года і 2 гады «хатняй хіміі» адпаведна.
Аліну Гораву, у якой у турме абвастрыліся праблемы са здароўем, вызвалілі ў зале суда пасля двух месяцаў зняволення. Дагэтуль яна стала сумнавядомай праз выключна нялюдскае з ёй абыходжанне.
Пасля затрымання праз жорсткія ўмовы ў ІЧУ ў Аліны абвастрыліся хранічныя захворванні нырак і жаночых органаў. Увечары 30 сакавіка Аліне стала блага, таму ёй выклікалі хуткую дапамагу. Аднак сілавікі не дазволілі шпіталізаваць затрыманую, а ў магілёўскай турме ў медыцынскай дапамозе ёй адмовілі, нягледзячы нават на дрэнныя аналізы. Турэмны доктар адмовіўся лячыць яе антыбіётыкамі і шпіталізаваць.
Каментары