«Дэманстраваў V-падобны жэст». Мужчыну асудзілі за ўдзел у пратэстах
Мужчыну таксама абвінавацілі ва ўдзеле ў акцыях пратэсту ў 2020 годзе ў Мінску і выхадзе на праезную частку.
У судзе Партызанскага раёна Мінска асудзілі Аляксандра Саланінку паводле ч. 1 арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Суддзя Наталля Дзядкова прызначыла Аляксандру два гады і шэсць месяцаў абмежавання волі без накіравання ў папраўчую ўстанову адкрытага тыпу («хатняй хіміі»).
Мужчыну абвінавацілі ва ўдзеле ў акцыях пратэсту ў 2020 годзе ў Мінску і выхадзе на праезную частку. Аляксандр, скончыўшы працоўную змену на прадпрыемстве, на прахадной убачыў групу людзей з расцяжкай з лозунгам, пасля чаго далучыўся да пратэстоўцаў.
Падчас пратэснай акцыі ён «публічна выкрыкваў лозунгі і дэманстраваў у якасці пратэснага сімвала V-падобны жэст паказальным і сярэднім пальцамі рук», піша «Вясна».
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе6
Каментары