Аб’яднаны пераходны кабінет выдаў заяву, якой дэнансаваў інтэграцыйныя дамовы з Расіяй
Аб'яднаны пераходны кабінет Беларусі (АПКБ) 24 чэрвеня выдаў заяву, у якой заявіў пра страту юрыдычнай сілы на тэрыторыі Беларусі рашэнняў урада Лукашэнкі і пра дэнансацыю пагадненняў аб інтэграцыі з Расіяй.
У заяве АПКБ звярнуўся «да ўсіх беларусаў згуртавацца з адной мэтай — вызвалення ад дыктатарскага гнёту Лукашэнкі і расійскага прыгнёту».
Кабінет жа, «як адзіная легітымная ўлада ў Беларусі, бярэ на сябе адказнасць за лёс Беларусі і беларускага народа».
У сувязі з гэтым ён
«— абвяшчае, што рашэнні «ўрада» Лукашэнкі і яго Рады бяспекі не маюць юрыдычнай сілы на тэрыторыі Беларусі і па-за яе межамі;
— дэнансуе дамовы аб стварэнні Саюзнай дзяржавы Беларусі і Расіі, аб’яўляе аб выхадзе Рэспублікі Беларусь з АДКБ, ЕАЭС і СНД;
— лічыць недапушчальным удзел беларускіх вайскоўцаў ва ўзброеным канфлікце ў Расіі».
Таксама Кабінет патрабуе неадкладна закрыць мяжу паміж Беларуссю і Расіяй, забяспечыць вывад расійскіх войскаў з Беларусі, спыніць падрыхтоўку да размяшчэння ядзернай зброі на тэрыторыі Беларусі.
Акрамя таго, АПКБ прыняў рашэнне аб стварэнні Аператыўна-сітуацыйнага штаба і заклікае нацыянальна арыентаваныя сілы Беларусі падтрымаць гэта рашэнне.
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука2
Каментары
У жніўні ж павінна іх зацвердзіць! Ці не да законаў бывае?
Клоўны.