Былы блогер з каманды А4 пра гастролі па Крыме: А ў чым праблема?
Беларускі блогер Улад Кабякоў, які раней быў у камандзе Улада Бумагі, прыйшоў на інтэрв'ю да кіраўніка АНТ Марата Маркава. Сярод пытанняў абмяркоўвалі і палітыку.
Вайну блогер называе СВА (спецыяльная ваенная аперацыя — тэрмін, уведзены расійскай прапагандай). У справе прасоўвання дзяржаўнай сімволікі раіць браць прыклад з расійскага спевака Shaman (ура-патрыятычнага выканаўцы песень «Я рускі» і «Устанем»).
Лукашэнку пахваліў за самаіронію, разуменне трэндаў і блізкасць да народу.
«Ён як блогер: адзін раз заляцела — ён яшчэ раз выходзіць і дабівае жарт».
Пра 2020-ы блогер кажа, што яму паўгода спатрэбілася, каб эмоцыі суцішыліся і ён разабраўся ў сітуацыі.
«У 2020 годзе беларусаў спрабавалі знішчыць. Іншыя краіны спрабавалі нас адціснуць, не пускалі нікуды», — кажа Кабякоў, але не ўдакладняе, што мае на ўвазе.
«Я люблю Расію гэтак сама, як і Беларусь. Гэта дружалюбная краіна. Там я выступаю, катаюся з гастролямі, тут я абажаю прыязджаць у Мінск і адпачываць, таму і песні нараджаюцца, як «Балалайка», — расказаў блогер.
Летась ён ездзіў на гастролі ў Крым.
«А ў чым праблема? Гэта тэрыторыя Расіі, гэта мая аўдыторыя, якая хоча, каб я прыехаў і даў канцэрт. Не разумею, за што хвалююцца артысты, якія не едуць туды з канцэртамі. Там вельмі мала канцэртаў праходзіць», — падзяліўся Кабякоў.
І адзначыў, што пасля інтэрв’ю Маркава спадзяецца, што зможа сабраць «Мінск-Арэну».
У ютубе на Кабякова падпісана 3,35 мільёна чалавек. Асноўная аўдыторыя — дзеці і падлеткі. Ён здымае чэленджы і запісвае песні. Летась ажаніўся з мінскай бізнэсвумен Юліяй Кур'ян-Касцюкевіч.
Беларускі блогер гастралюе па Крыме
Блогера-мільённіка Дзім Дзімыча, якога абвінавацілі ў прапагандзе ЛГБТ, прымусілі апраўдвацца на стрыме ў Азаронка
У Мінску збіраецца выступіць аўтар патрыятычных расійскіх песень «Я рускі» і «Устанем»
На коміка Аляксандра Гудкова ў Расіі просяць завесці крыміналку за пародыю на песню «Я — рускі»
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары