Намеснік начальніка ГУБАЗіКа Міхаіл Бедункевіч лічыць, што калі цяпер у Беларусі спыніць пераслед, то «яны зноў пачнуць працаваць супраць нас». Пра гэта ён заявіў у інтэрв’ю прапагандысту Рыгору Азаронку.
Паводле Бедункевіча, «часам дзесьці праскокваюць на розных рэсурсах і ў розных сродках масавай інфармацыі такія вось пасылы, што, можа, мы ўжо перамаглі, можа, пара дараваць, можа, пара адстаць». Але намеснік начальніка ГУБАЗіКа з гэтым не згодны.
«Калі не працаваць над гэтым, дык тады яны зноў пачнуць працаваць супраць нас. Зʼявяцца і адужэюць тыя ж схаваныя ячэйкі, будуць развівацца ініцыятывы, будзе ісці праца па падрыве дзяржавы знутры, будуць шкодзіць, паскудзіць. Калі не будзем працаваць, зноў могуць быць перадумовы да тых праблем, якія ўзніклі ў нас не так даўно», — сказаў Бедункевіч.
Таму ён абяцае працягваць палітычныя рэпрэсіі:
«Калі яшчэ да кагосьці не дайшлі, то гэта не значыць, што яны невядомыя. Проста, магчыма, цяпер гэтага не трэба рабіць. Прыйдзе час, мы ўсё гэта раскажам і пакажам».
Бедункевіч паказаў Азаронку «трафеі ГУБАЗіКа» — каробку з рэчамі, канфіскаванымі ў рэпрэсаваных беларусаў. Сярод такіх «трафеяў»: бел-чырвона-белыя сцягі, значкі з «Пагоняй» і з выявай Кастуся Каліноўскага, а таксама камізэлькі «Прэса», у якіх журналісты працавалі на акцыях пратэсту.
Цяпер чытаюць
Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць30
Каментары