Пра гэта паведамілі ў сацыяльных сетках сябры беларускага байца-добраахвотніка.
«На дадзены момант у шпіталі, яго стан здароўя больш-менш добры. Кантузія, парвана правая вушная перапонка, аскепачнае раненне ў правую руку», — піша тэлеграм-канал @MaladyFrontBelarus. Іншых паведамленняў пакуль не было, сам Урбановіч пакуль свайго стану не каментаваў.
Гэта ўжо пятае раненне лідара беларускага «Маладога Фронту», які адправіўся на абарону Украіны ад расійскай агрэсіі.
Да таго 34-гадовага выхадца з Лагойскага раёна кантузіла, аскепак залятаў у руку, а куля — у грудзі. Кожны раз Дзяніс вяртаўся на фронт.
«Трапіла куля проста ў грудзі і пайшла па целе, ды ўперлася ў рэбры. Дыхаць не вельмі добра, лёгкае пашкоджанае», — флегматычна апісваў адно са сваіх папярэдніх раненняў каліновец.
Дзяніс Урбановіч мае пазыўны «Ваўкалак».
Усяго пасля лютага 2022-га, баронячы Украіну і Беларусь, загінулі як мінімум 32 беларусы. Яшчэ двое трапілі ў палон. Усяго ў складзе ўкраінскай арміі ваююць сотні беларусаў.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою26
Каментары