Аўто55

МУС распрадае свае старыя Geely. Паглядзіце, як выглядаюць 10-гадовыя аўто беларуска-кітайскай вытворчасці

На сайце «Белспецкантракта» прадаецца адразу некалькі Geely SC7, усе яны 2013 года выпуску. 

Фота: bsk.by

Аўто пасля ДТЗ

Найменш прывабная з іх, але не самая танная — Geely SC7 з пасёлка Карма Гомельскай вобласці. За аўтамабіль пасля ДТЗ просяць 4 340 рублёў (каля $1400). Прыкметна, што і да аварыі стан кузаву быў далёкім ад ідэальнага. На ім не толькі бачныя сляды карозіі, але і саматужнага рамонту. Парогі і аркі аўтамабіля пафарбаваныя чорным колерам, хоць сам аўтамабіль серабрысты. Але зверху чорнай фарбы можна заўважыць карозію.

Фота: bsk.by

З дэталямі ў багажніку

Два самыя танныя варыянты ацэнены ў 4000 рублёў (каля 1300 даляраў). Як пазначана ў апісанні, ступень зносу складае 90%. Абодва аўтамабіля належаць УУС Гомельскага аблвыканкама. 

Фота: bsk.by

Адна з машын працавала ў Калінкавічах, яе прабег — 181 538 км. Аўтамабіль не на хаду, частка дэталяў з падкапотнай прасторы ляжыць у багажніку. 

На кожным элеменце кузава ёсць сляды карозіі, на некаторых ужо ўтварыліся дзіры.

Фота: bsk.by

Карозія моцна пашкодзіла ў тым ліку сілавыя элементы кузава. Лабавое шкло патрабуе замены. У адносна неблагім стане захаваўся толькі салон аўтамабіля.

Яшчэ адзін варыянт за 4000 рублёў — Geely з прабегам 353 556 км, якая працавала ў Рэчыцы. Нягледзячы на большы прабег, прынамсі візуальна аўтамабіль знаходзіцца ў лепшым стане. 

Фота: bsk.by.

Але месцамі выглядае, быццам гэты аўтамабіль прайшоў перадпродажную падрыхтоўку ў перакупаў. 

Фота: bsk.by

Таму, калі прыглядзецца больш пільна, можна заўважыць карозію на кожным кузаўным элеменце, у тым ліку парогах аўтомабіля і пярэдніх стаканах. 

Машыны пасля ДАІ

Яшчэ дзве машыны прадае гродзенскае ДАІ. Ободва аўто маюць ступень зносу 86,5%. Прабег у гэтых аўто 281 і 261 тысяча кіламетраў. 

Фота: bsk.by

Іх ацанілі ў 5200 і 5120 рублёў адпаведна. Гэта каля 1650 даляраў.

Як і ў папярэдніх варыянтах, аўтамабілі маюць сляды карозіі на розных частках кузава. Апроч гэтага, значныя пашкоджанні назіраюцца і ў салоне. 

Фота: bsk.by

На сайце РУП «Белспецкантракт» пазначана, што такія аўто не маюць гарантыі і не падлягаюць вяртанню і абмену.

Нагадаем, што для наступнай пастаноўкі на ўлік новы ўласнік аўто аператыўнага прызначэння мусіць прывесці яго знешні стан да стану шараговага аўто.

@nashaniva Беларуская міліцыя распрадае свае старыя аўто #беларусь #навіны #беларусьсейчас #беларускіцікток #нашаніва #белорусы #новостибеларуси #беларусьновости #милициябеларуси #гомель #речица #джили ♬ Mysterious and sad BGM(1120058) - S and N

Чытайце таксама:

Lancia вяртаецца. Без дызеля і з вялікімі амбіцыямі

У Беларусі прадаецца Jetta VA3, але гэта не VW і не VAZ. Колькі каштуе?

Каментары5

  • Лол
    17.01.2024
    Год качэства пачаўся з продажу кітайскіх качэственых аўто.
  • Вольга
    17.01.2024
    На такім ездзіць - сябе не паважаць.
  • Аматар батанікі
    17.01.2024
    Там у кадры разам з машынай -- адуванчык, яшчэ жоўценькі. Вой, як рана прыйшла вясна! (Ці можа інфармацыя не свежая?)

Цяпер чытаюць

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Усе навіны →
Усе навіны

Аўтобус з Вільні ў Мінск не прапусцілі праз мяжу, пасажыры дабіраліся самі 

Былы віцэ-прэм'ер Русы назваў Аляску рускай зямлёй18

Саміт на Алясцы: пазітыўны, негатыўны і іншыя сцэнары для Украіны7

Сярэдняя цана метра ў Мінску — 1754 даляры

Як спецслужбы ЗША рыхтуюць сустрэчу Трампа і Пуціна на Алясцы1

Мінчук не верыў, што маці не можа хадзіць, і жорстка забіў яе. Родныя раней ужо выклікалі на яго міліцыю2

Палітзняволеная мадэль Вераніка Жалубоўская выйшла на свабоду

Паспяховая топ-мадэль жыве ў беларускай вёсцы — з ганарараў ад Dior і Versace купіла бацькам карову8

Беларускі дызайнер стаў сусветна вядомым дзякуючы дзіўным відэа — іх глядзяць дзясяткі мільёнаў чалавек25

больш чытаных навін
больш лайканых навін

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2

Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў

Галоўнае
Усе навіны →

Заўвага:

 

 

 

 

Закрыць Паведаміць