Прэзідэнт Украіны Уладзімір Зяленскі даў інтэрв'ю ў эфіры нацыянальнага тэлемарафона, у якім сярод іншага пракаментаваў магчымасць нападу з боку Беларусі і запэўніў, што гэтаму будзе дадзены дастойны адпор.
Уладзімір Зяленскі падкрэсліў, што Украіна не хавае ўзвядзення ліній абароны на мяжы з Беларуссю.
«Што тычыцца беларускага напрамку, тое, што мы будуем рубяжы — гэта не таямніца. І расейцы таксама павінны ведаць. І беларусы таксама або расейцы на тэрыторыі Беларусі, скажам так, павінны ведаць: так, тут ёсць рубяжы, так, тут будуць тры магутныя лініі абароны і тут ёсць войска. Яны гэта павінны ведаць.
І тое, што тут ёсць і «зубы цмока», і супрацьтанкавыя равы — усё гэта трэба ведаць, таямніц няма. Дзякуючы сучаснай тэхніцы ў іх і так гэта ўсё ёсць, скажам адкрыта, але, тым не менш, хаваць гэта не трэба, таму што яны павінны ведаць, што будзе адпор. І грамадства наша, напрыклад, Чарнігаўшчына, павінна ведаць, што тут магутная абарона.
Што тычыцца стратэгіі, то з Беларусі мы пакуль не бачым ніякіх на сёння планаў, пагроз і магчымасцяў», — заявіў прэзідэнт Украіны.
Чытайце таксама:
Стала вядома, якія з палітыкаў найбольш папулярныя і ненавісныя ў Еўропе
Тэрыторыі ў абмен на бяспеку — магчымы сцэнар спынення вайны
-
ГУР раскрыла падрабязнасці інсцэніроўкі гібелі камандзіра РДК, за якую атрымала 500 тысяч даляраў ад заказчыкаў забойства
-
«Змена даты ў календары не спыняе вайны ні на хвіліну». Як сустракалі і што елі на Новы год ваяры Палка Каліноўскага?
-
Пры ўдары па Хорлах загінуў начальнік акупацыйнай паліцыі суседняга горада
Каментары