Трамп рыхтуецца да суперніцтва з Камалай Харыс за пасаду прэзідэнта ЗША
45-ы прэзідэнт, як відаць, больш не разлічвае на працяг перадвыбарнай гонкі з Джо Байдэнам.
У відэа, якое патрапіла ў сетку, былы прэзідэнт ЗША дае зразумець, што чакае зняцця Байдэна з выбараў, а ў якасці свайго суперніка Трамп бачыць віцэ-прэзідэнта ЗША Камалу Харыс, піша Bild.
На відэазапісе, апублікаваным выданнем The Daily Beast, Трамп сядзіць у машыне для гольфа і размаўляе са сваімі прыхільнікамі.
«Ён [Джо Байдэн] проста здаўся, разумееце? Ён саступае ў гонцы», — пракаментаваў Трамп нядаўнія дэбаты з дзейным прэзідэнтам ЗША.
Пры гэтым невядома, калі менавіта быў зняты зварот Трампа — да або пасля публікацыі New York Times аб тым, што Джо Байдэн разглядае магчымасць выхаду з перадвыбарнай кампаніі. Зрэшты, Белы дом афіцыйна абверг гэтае паведамленне.
Трамп жа дадаў, што ў яго хутка з'явіцца новы палітычны супернік. На думку былога прэзідэнта ЗША, кандыдатам ад дэмакратаў на прэзідэнцкіх выбарах стане віцэ-прэзідэнт Камала Харыс.
Апытанне, праведзенае выданнем New York Times пасля нашумелых тэледэбатаў, паказала, што Дональд Трамп у цяперашні час апярэджвае Джо Байдэна з вынікам 49% галасоў супраць 43%.
Белы дом абвергнуў заявы СМІ пра сумневы Байдэна наконт яго абіральнасці
У дэмакратаў ёсць кандыдатура, якая можа перамагчы Трампа на выбарах — вынікі сацапытання
Байдэн узважвае, ці працягваць удзельнічаць у перадвыбарнай гонцы
Белы дом заявіў, што ў Байдэна няма дэменцыі або хваробы Альцгеймера
«Зрабіў дурасць»: Байдэн прызнаўся, што ледзь не заснуў на дэбатах з Трампам
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары