Мяжа для грузавікоў не закрытая, а рух запаволіўся з-за праверак паводле новых санкцый. Польскі бок даў тлумачэнні
У сувязі з увядзеннем новых санкцый у дачыненні да Беларусі скарацілася колькасць грузаў, якія перасякаюць беларуска-польскую мяжу, але мяжа не перакрытая, патлумачыў прэс-сакратар Люблінскай Падатковай адміністрацыі Міхал Дэрус.
Прэс-сакратар у інтэрвʼю rmf24.pl абверг паведамленні беларускіх СМІ аб блакаванні польска-беларускіх памежных пераходаў. Беларуская мытня паведаміла, што 10 ліпеня ноччу спыніўся транзіт грузавых аўтамабіляў, якія ідуць з Беларусі праз памежны пункт «Казловічы-Кукурыкі».
Дэрус растлумачыў, што першага ліпеня ўступіў у сілу новы пакет санкцый ЕС у дачыненні да Беларусі, якім былі ахоплены новыя тавары, напрыклад, тавары і тэхналогіі марскога суднаходства, прадметы раскошы, транспартныя сродкі, аўтазапчасткі, электроніка і г. д.
Мытна-падатковая служба кантралюе, ці перавозяцца тавары на прадмет выканання польскіх і еўрапейскіх правілаў, што ўплывае на колькасць грузавых аўтамабіляў, што могуць перасячы мяжу праз памежны пункт «Казловічы-Кукурыкі» з тэрміналам Карошчыне і пасажырскім памежным пунктам у Брэсце —Тарэспалі.
Польшча перастала прапускаць грузавікі з Беларусі
Пасля ўвядзення новых абмежаванняў велізарная чарга на мяжы з Польшчай рассмакталася за некалькі гадзін
Польшча больш не пускае беларускія аўтамабілі, калі ўласніка няма ў салоне. Што яшчэ змянілася
«Спектакль скончаны?» БелТА выступіла з мегаводпаведдзю адносна сітуацыі на мяжы
Польская мытня патлумачыла, чаму беларусам не дазваляюць вывозіць тавары
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары