Пра сваю сустрэчу з Зянонам Пазняком ва ўкраінскай сталіцы напісаў у фэйсбуку ўкраінскі пасол па асобых даручэннях па Беларусі Ігар Кізім.
Ігар Кізім называе Пазняка «адным з найвопытнейшых прадстаўнікоў беларускіх апазіцыйных сіл». Паводле ягоных слоў, на сустрэчы абмяркоўваліся
«пытанні ўдзелу цяперашняга ваенна-палітычнага рэжыму Беларусі ў расійскай агрэсіі супраць Украіны, шляхі кансалідацыі беларускіх дэмакратычных сіл для дэмакратызацыі Беларусі, а таксама падтрымкі беларускіх добраахвотнікаў, якія сёння ў складзе Узброеных сіл Украіны разам з украінцамі вядуць барацьбу супраць расійскіх захопнікаў».
Пры гэтым украінскі дыпламат адзначыў
«усё большую падтрымку беларускіх вайсковых фармаванняў у складзе УСУ, у тым ліку палка імя К. Каліноўскага і руху «Каліноўцы» ў цэлым, з боку беларускіх дэмакратычных сіл».
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары